Kollagen minnkar og hrukkur myndast

„Kollagen er helsta byggingarprótein líkamans. Það styrkir bein, vöðva, húð, liði, sinar og innri líffæri”, segir Elísabet. „Heilbrigður líkami  framleiðir kollagen, en um 25 ára aldur fer að hægja framleiðslunni, eða að meðaltali um 1,5% á ári. Þegar kollagen framleiðslan minnkar byrja vefir líkamans að veikjast og það fer að bera á ýmsum öldrunareinkennum. Við getum fundið fyrir auknum stirðleika og verkjum í liðum og liðamótum. Áhrifanna gætir einnig í húðinni því með minni kollagen framleiðslu fara hrukkur að myndast og teygjanleiki húðarinnar minnkar”, segir hún.

Hjálpar gegn beinþynningu

Ýmsir sérfræðingar og læknar hafa sagt að það sé ekki hægt að draga úr öldrunareinkennum með því að taka inn kollagen, en Elísabet telur að það geti hjálpað til dæmis þeim sem eru farnir að finna fyrir beinþynningu og bendir á rannsóknir sem lofa góðu, máli sínu til stuðnings. “Í  rannsókn þar sem konur með beinþynningu tóku þátt í tveimur hópum, tók annar hópurinn kalk fæðubótarefni með 5 grömmum af kollageni á dag en hinn hópurinn tók kalk  án kollagens. Rannsóknin stóð í 12 mánuði. Að þeim tíma loknum var marktækur munur á hópnum sem fékk kalk og kollagen fæðubótina og mældist það í minna próteini í blóði sem veldur beinþynningu. Konur sem tóku kollagen sýndu aukna beinþéttni um 7% í samanburði við samanburðahópinn,” segir hún.

Ráðlagður dagskammtur 5 grömm

„Kollagen er eitt af þeim efnasamböndum próteina sem eru líkama okkar mikilvægust”, segir Elísabet, sem telur að það sé ávinningur af því fyrir flesta sem eru orðnir fimmtugir og eldri að taka það inn og er ráðlagður dagskammtur 5 grömm.  Sjálf vinnur hún fyrir Feel Iceland sem er með kollagen, sem hún segir vatnsrofið, en það gerir líkamanum auðveldara að vinna það úr meltingarveginum. Það er í duft formi og unnið úr íslenskum fiski, sem Elísabet telur besta kollagenið, en við fáum einnig kollagen úr ákveðnum fæðutegundum, svo sem kjúklingaskinni, svínaskinni, nautakjöti og fiski.  Hún bendir á að kollagenið sem tekið er inn þurfi að vera hreint, annars verði árangurinn ekki nægur.

Var með gríðarlegt hárlos

Elísabet segist hafa mikinn áhuga á aminósýrum og segist sannfærð um að kollagen virki fyrir suma. „Ég var með gríðarlegt hárlos en það hætti þegar ég fór að taka inn kollagen. Það er vegna amínósýra í kollageninu sem hjálpa okkur að endurnýja hárserkina. Þegar við eldumst, töpum við hárserkjunum og hárið þynnist. Kollagenið veitir styrk og raka þannig að endurnýjun hárserkjanna verður auðveldari. “ segir hún og bætir við að hún hafi einnig fengið foreldra sína til að taka kollagen. Það byggi til að mynda upp slímhúð í þörmum og geti bætt svefnvandamál, svo fátt eitt sé nefnt.  „Eldra fólk á að bæta þessu við fæðubótina og ég tek það fram að sem næringarfræðingur myndi ég ekki mæla með einhverju, nema ég hefði 130% trú á því”.

Búin að fá alla vini sína til að taka kollagen

Elísabet hefur tröllatrú á áhrifamætti kollagens og  segir að allir vinir hennar séu farnir að taka inn kollagen og hún vitnar í alls kyns upplýsingaefni sem sýnir árangurinn af því að taka efnið inn. Hún segir að það geti hægt á og unnið gegn öldrunareinkennum líkamans að bæta kollageni við mataræðið.  „Það er einnig mikilvægt er að fylgja góðum lífsstíl og borða hreinan og góðan mat, auka til dæmis  neyslu á grænmeti og ávöxtum, drekka vatn,  muna eftir að taka inn Lýsi og hreyfa sig í hálftíma á. Góð fæðubót og réttur lífsstíll fara því vel saman og geta bætt lífsgæðin”,  segir hún.

Vökvainntaka

Ef vökvainntaka hefur verið minni en venulega verða neglurnar brothættari. Tíðir handþvottar og naglalakkshreinsar eða önnur sterk efni geta einnig baldið því að neglurnar þorni. Mörgum hefur reynst vel að dýfa höndunum í ólífu- eða möndluolíu til að mýkja þær. Meðal vítamína sem eru  mikilvæg fyrir heilbrigða húð og neglur eru A-B og C vítamín, steinefni og snefilefni en fræðin segja þó að flestir fái næg vítamín og steinefni sé fjölbreyttrar fæðu neytt. En ef fólk þjáist af einhæfu fæði eða meltingarsjúkdómum getur verið nauðsynlegt að taka vítamín eða steinefni og má nefna að sjúkdómar eins og efnaskiptasjúkdómar, hjarta- og lungnasjúkdómar og raunar ýmsa fleiri sem geta hafa áhrif á neglur og hár. Hins vegar er hægt að halda nöglum heilbrigðum með góðri umönnun og góðu mataræði.

Og hvað er svo til ráða?

Samkvæmt naglasérfræðingi á Snyrtistofunni Gyðjunni, Steinunni Björk Sigurjónsdóttur, eru ýmis ráð til í því skyni að halda nöglum fallegum. Hún nefnir fyrst lökkun með sérstöku hunangsgeli sem notað er eftir almenna hand- og naglasnyrtingu. Það er náttúrlega efnið hunang sem er uppistaðan í gelinu sem heitir Bio Sculpture gel og er það gel vinsælast. Steinunn segir að í þeirri meðferð sé einfalt að byggja neglur upp og styrkja og segir að konur komi gjarnan einu sinni í mánuði til að fá slíka meðhöndlun fyrir hendur sínar. Hunangsgelið er til ýmist glært eða í litum. Annað gel heitir strip-lakk sem er léttara og endist skemur en sé nokkurs konar hlíf yfir eigin neglur. Þó segir hún að það geti enst allt upp í 4 vikur en vika til 10 dagar séu öruggir. Í báðum tilfellum segir Steinunn að gelin þoli sundferðir og venjulegt vatnssull.

Nægt vatn

Vatnsinnihald í venjulegum nöglum er 16 prósent –ef vatnsinnihaldið er minna verða neglurnar brothættari. Það er því  nauðsynlegt að fá nægan vökva segir Britta. Tíðir handþvottar, naglalakkshreinsar og fleiri efni geta einnig valdið því að neglurnar þorni. Britta segir að mörgum reynist vel að dýfa nöglunum í nokkrar mínútur  í góða olíu til dæmis ólífu eða möndluolíu til að mýkja þær. Hún mælir líka með því að klippa þær stutt og sverfa þær til með þjöl.  Meðal vítamína sem eru mikilvæg fyrir heilbrigða húð og neglur eru A-B og C vítamín.  Einnig steinefni og snefilefni,  kalk og járn, hjálpa til að styrkja neglurnar, segir Britta. Hún segir að flestir fái næg vítamín og steinefni neyti þeir fjölbreyttrar fæðu.

Sjúkdómar hafa áhrif

Ef  fæðan er hins vegar einhæf eða fólk með meltingarsjúkdóma getur fólk þurft að taka vítamín og steinefni. Hún segir að margir sjúkdómar geti haft áhrif á neglurnar, svo sem efnaskiptasjúkdómar,  hjarta- og lungnasjúkdóma, lifrarsjúkdómar og raunar ýmsir fleiri sjúkdómar. Þá geti ýmis lyf valdið breytingum á nöglum svo sem krabbameinslyf. Britta segir neglurnar á vaxi hægar með hækkandi aldri, verði stökkari og mattari. Hins vegar sé hægt að halda nöglunum heilbrigðum með góðri ummönnun og góðu mataræði.

Hlífið höndunum

Hér eru nokkur einföld ráð til að hlífa höndunum. Alltaf að nota gúmmíhanska við uppvask og þrif. Nota milda handsápu sem þurrkar ekki húðina. Hafa feitan handáburð við höndina og ekki gleyma að nota hann. Ef húðin á höndunum er mjög þurr er gott að fjárfesta í bómullarhönskum og góðum handáburði. Berið vel af áburði á hendurnar fyrir svefninn og sofið með hanskana. Fólk ætti heldur ekki að vera berhent úti, heldur klæða sig í hlýja vettlinga eða hanska.

Olíubað fyrir naglaböndin

Hitið smá lögg af ólífuolíu og setjið í skál. Setjið hendurnar í olíuna og bíðið meðan olían er að kólna. Þegar hún er orðin köld takið þá hendurnar uppúr og nuddið olíunni vel inn í naglaböndin, neglurnar og hendurnar. Einföld en ákaflega góð aðferð til að mýkja neglur og naglabönd.

Að sögn Lisu hefur gel lab slegið í gegn. „Það dugar ótrúlega vel, það þarf að bera það á neglurnar á sjö til tíu daga fresti,“ segir Lísa.  Það er hægt að nota gelið eitt og sér  þá eru bornar tvær umferðir á neglurnar en svo er líka hægt að setja eina umferð, lakka því næst með naglalakki og svo yfir með gelinu. Gelið fælst í 15 millilítra glösum og kostar hvert glas 8.700 krónur. Á meðfylgjandi myndbandi útskýrir Deborah Littman framleiðandi gelsins kosti þess auk þess sem leiðbeiningar um notkun þess fylgja.

https://www.youtube.com/watch?v=uvL9T6V17lQ