<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>nýr maki &#8211; Lifðu núna</title>
	<atom:link href="https://lifdununa.is/efni/nyr-maki/feed/" rel="self" type="application/rss+xml" />
	<link>https://lifdununa.is</link>
	<description>Vefrit um lífið eftir miðjan aldur</description>
	<lastBuildDate>Fri, 06 Nov 2026 21:42:13 +0000</lastBuildDate>
	<language>is</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=7.1.5</generator>
	<item>
		<title>Best er að búa ekki saman</title>
		<link>https://lifdununa.is/grein/best-er-ad-bua-ekki-saman/</link>
		
		<dc:creator><![CDATA[Ritstjórn]]></dc:creator>
		<pubDate>Thu, 19 Nov 2026 07:00:53 +0000</pubDate>
				<category><![CDATA[Athyglisvert]]></category>
		<category><![CDATA[Hringekja]]></category>
		<category><![CDATA[Fjarbúð]]></category>
		<category><![CDATA[nýr maki]]></category>
		<category><![CDATA[vinátta]]></category>
		<guid isPermaLink="false">https://lifdununa.is/?p=60112</guid>

					<description><![CDATA[Æ fleira fólk kýs fjarbúð fremur en hefja sambúð aftur eftir skilnað eða makamissi. Það kann vel við sjálfstæðið og telur að vel sé hægt að rækta ástina þótt fólk]]></description>
										<content:encoded><![CDATA[<p>Æ fleira fólk kýs fjarbúð fremur en hefja sambúð aftur eftir skilnað eða makamissi. Það kann vel við sjálfstæðið og telur að vel sé hægt að rækta ástina þótt fólk sé ekki saman í öllum frístundum og sofi ekki í sama rúmi nema um helgar. Rosknir einstaklingar sem vilja njóta félagsskapar velja líka stundum að búa saman en alls ekki giftast. Það er einfaldlega of flókið vegna erfðamála og annarra skuldbindinga.</p>
<p>Það er margt gott við þetta fyrirkomulag og samkvæmt nýjustu tölum er talið að allt að 25% fullorðinna í ástarsamböndum í Vestur-Evrópu, Kanada, Ástralíu og Bandaríkjunum kjósi þessa leið. Allir sem einhvern tíma hafa reynt sambúð þekkja að það getur kostað átök að samræma umgengnisreglur og venjur tveggja heimila. Að sama skapi verða oft aukin vandamál þegar fullorðin börn eru í spilinu sem hugsanlega hafa ýmislegt við það að athuga að foreldri þeirra sé að skapa sér líf með nýjum aðila. En hvernig sem því er háttað kallar ný sambúð ávallt á mikla aðlögunarhæfni og meiri þolinmæði og umburðarlyndi en margir búa yfir. Þess vegna er kannski ekki undarlegt að pör velji að flytja ekki saman. Þá er hægt að hittast þegar hentar á og njóta alls hins besta sem ástin býður upp á. Það er hægt að ferðast saman, fara á stefnumót og borða saman og deila rúmi þegar báðum hentar.</p>
<div id="attachment_60114" style="width: 320px" class="wp-caption alignleft"><img fetchpriority="high" decoding="async" aria-describedby="caption-attachment-60114" class="size-medium wp-image-60114" src="https://lifdununa.is/wp-content/uploads/2026/11/b6379bd416-1440x1080_o-310x233.webp" alt="" width="310" height="233" srcset="https://lifdununa.is/wp-content/uploads/2026/11/b6379bd416-1440x1080_o-310x233.webp 310w, https://lifdununa.is/wp-content/uploads/2026/11/b6379bd416-1440x1080_o-1024x768.webp 1024w, https://lifdununa.is/wp-content/uploads/2026/11/b6379bd416-1440x1080_o-768x576.webp 768w, https://lifdununa.is/wp-content/uploads/2026/11/b6379bd416-1440x1080_o-640x480.webp 640w, https://lifdununa.is/wp-content/uploads/2026/11/b6379bd416-1440x1080_o-890x668.webp 890w, https://lifdununa.is/wp-content/uploads/2026/11/b6379bd416-1440x1080_o.webp 1440w" sizes="(max-width: 310px) 100vw, 310px" /><p id="caption-attachment-60114" class="wp-caption-text">Sarah Paulson og Holland Taylor hafa lengi verið saman en búa hvor í sínu lagi.</p></div>
<p><strong>Kvíðvænleg tilhugsun</strong></p>
<p>Ein skýringin á því hvers vegna þessi valkostur er að verða svo algengur er sú breyting sem hefur orðið á stöðu kvenna. Þær geta haldið heimili á sínum tekjum eingöngu og eiga oft eignir. Þess vegna er ekki freistandi að þurfa að komast að niðurstöðu um verkaskiptingu, fjárhagslega ábyrgð og efnahag með nýjum maka. Heimilið er hægt að reka eins og áður en njóta svo þess sem almennt fylgir því að eiga maka.</p>
<p>Í hugum margra er líka kvíðvænlegt að þurfa að takast á við aðra sambúð. Hugsanlega endaði sú fyrri ekki vel eða makinn lést. Í fyrra tilfellinu getur verið mjög erfitt að treysta aftur og viðkomandi kann þess vegna vel við að halda ákveðinni fjarlægð. Í því síðara finnst mörgum mjög erfitt að sjá aðra manneskju stíga í spor makans sem það missti. Þetta þýðir ekki að ást sé ekki til staðar eða traust. Hitt er einfaldlega auðveldara og gefur jafn mikið.</p>
<p>En þótt fólk búi ekki saman eiga þessi pör það sameiginlegt að tala mikið saman. Þau eru í daglegu sambandi gegnum síma eða önnur samskiptaform og segja að sá síðasti sem þau tala við á kvöldin sé hinn aðilinn og sá fyrsti sem þau hringja í á morgnana. Þau segja mikla vináttu ríkja að þau leiti ævinlega fyrst ráða hjá ástinni sinni ef á þurfi að halda í dagsins önn og sömuleiðis sé númerið hennar það fyrsta sem hringt er í komi upp erfiðleikar eða áfall dynji yfir.</p>
<p><strong><img decoding="async" class="size-medium wp-image-60116 alignright" src="https://lifdununa.is/wp-content/uploads/2026/11/2b5f24dd47-576x324_o-310x174.jpg" alt="" width="310" height="174" srcset="https://lifdununa.is/wp-content/uploads/2026/11/2b5f24dd47-576x324_o-310x174.jpg 310w, https://lifdununa.is/wp-content/uploads/2026/11/2b5f24dd47-576x324_o.jpg 576w" sizes="(max-width: 310px) 100vw, 310px" />Konur áfram í hefðbundnum hlutverkum</strong></p>
<p>En þrátt fyrir að flestir gefi upp að missi sjálfstæðis sem helstu ástæðu fyrir fjarbúð virðast konur engu að síður ganga inn í hefðbundin kynhlutverk í þessari tegund ástarsambanda. Matur er oftar eldaður heima hjá þeim og karlinn gistir oftar heima hjá konunni en ella. Þegar um samkynhneigð pör er að ræða er hið sama upp á teningnum, annar einstaklingurinn tekur fremur á móti hinum og sér þá um mat, drykk og að veita húsnæði. Stundum er praktískar ástæður fyrir þessu en oftast er líklega einfaldlega um að ræða félagslega mótun.</p>
<p>Þegar fjarbúð hefur varað lengi er algengt að parið kjósi að flytja í nágrenni við hinn aðilann. Sum slík pör erlendis búa í sömu götu, aðeins eitt til tvö hús á milli. Þessi sambönd eru ekki opin og báðir aðilar vænta skilyrðislauss trúnaðar og einkvænis. Algengasta samsetning para í fjarbúð eru þrenns konar, fólk sem segist ekki tilbúið að búa saman strax vegna aðstæðna barna sinna eða annarra í fjölskyldunni. Það kann að vera að viðkomandi sé aðalumönnunaraðili eldri ættingja og vilji ekki leggja það á nýjan maka eða þann einstakling að nýr aðili komi inn í líf þeirra. Svo er ungt fólk sem hefur ekki áhuga á hefðbundnu hjónabandi eða sambúð. Eldra fólk sem vill njóta náinna samvista, eiga vin, en er ekki tilbúið að rugla saman reitum því það getur verið flókið vegna eigna og erfðaréttar barna. Víða erlendis er sömuleiðis um að ræða efnahagslegar ástæður, fólk hefur ekki efni á að kaupa húsnæði sem hentar sameinaðri fjölskyldustærð þeirra beggja og svo er til í dæminu að  hörundslitur eða trú haldi fólki frá hvort öðru.</p>
<div id="attachment_60115" style="width: 216px" class="wp-caption alignleft"><img decoding="async" aria-describedby="caption-attachment-60115" class="wp-image-60115 size-medium" src="https://lifdununa.is/wp-content/uploads/2026/11/b6d5a50f6c-1276x1920_o-206x310.webp" alt="" width="206" height="310" srcset="https://lifdununa.is/wp-content/uploads/2026/11/b6d5a50f6c-1276x1920_o-206x310.webp 206w, https://lifdununa.is/wp-content/uploads/2026/11/b6d5a50f6c-1276x1920_o-681x1024.webp 681w, https://lifdununa.is/wp-content/uploads/2026/11/b6d5a50f6c-1276x1920_o-768x1156.webp 768w, https://lifdununa.is/wp-content/uploads/2026/11/b6d5a50f6c-1276x1920_o-1021x1536.webp 1021w, https://lifdununa.is/wp-content/uploads/2026/11/b6d5a50f6c-1276x1920_o-640x963.webp 640w, https://lifdununa.is/wp-content/uploads/2026/11/b6d5a50f6c-1276x1920_o-890x1339.webp 890w, https://lifdununa.is/wp-content/uploads/2026/11/b6d5a50f6c-1276x1920_o.webp 1276w" sizes="(max-width: 206px) 100vw, 206px" /><p id="caption-attachment-60115" class="wp-caption-text">Gillian Anderson og Peter Morgan eru ástfangin en kjósa fjarbúð fremur en sambúð.</p></div>
<p><strong>Kostir og gallar</strong></p>
<p>Í eigindlegri rannsókn sem gerð var í Bretlandi var talað við fimmtíu pör sem kusu fjarbúð framyfir sambúð eða giftingu. Í öllum tilfellum hafði fólkið verið saman lengi. Rannsakendur tóku nokkur viðtöl við parið saman, sitt í hvoru lagi og aftur eftir nokkrar vikur. Ein rannsóknarspurningin var hvort fólkið teldi sig lifa eiginlegu fjölskyldulífi. Ein konan, Michelle, hafði þetta að segja: „Ég vil ekki missa húsið mitt. Ég vil heldur ekki að einhver telji sig eiga tilkall til mín, að hann eigi mig. Ég vil ekki þola barsmíðar frá einhverjum sem segist elska mig.“</p>
<p>Annar þátttakandi Maggie sagði: „Ég kann vel við heimilið sem ég hef sett saman og byggt upp og kæri mig ekki um að þurfa að taka tillit til smekks annarra á innanstokksmunum eða því hvernig hlutunum er komið fyrir. Það hentar mér vel að fá gest og ég hef gaman af að þjóna honum og gera vel við hann. En svo er hann farinn og ég get aftur haft mína hentisemi.“ Aðspurð að því af hverju hún kysi að þá að vera í sambandi svaraði hún: „Ég elska hann og þykir gott að vera í félagsskap hans. Ég er alveg tilbúin að þvo af honum þegr hann er hjá mér, elda ofan í hann og þrífa eftir hann. Á móti býður hann mér út að borða eða á einhverja skemmtun þegar ég bið um það. Við erum meira heima hjá mér en honum því hér líður mér best.“</p>
<p>Graham var einnig meðal þeirra sem talað var við hann sagði: „Ég upplifði mikla streitu í sambandinu við fyrrum konuna mína. Eftir að við skildum stóð ég uppi á götunni, varð að finna íbúð og koma mér fyrir á nýjum stað. Ég lofaði sjálfum mér að það skyldi aldrei henda mig aftur.“</p>
<p>Wendy taldi sig líka þurfa að setja mörk. „Maðurinn minn var mjög vondur með víni og kom mjög illa fram við mig og son minn. Ég ákvað að hann þyrfti aldrei aftur að upplifa þannig framkomu.“</p>
<p>Ekki alltaf sársauki að baki</p>
<p>Augljóst er af þessum svörum að allt þetta fólk hafði upplifað sárindi og erfiðleika í fyrri samböndum og kaus því að byggja upp ákveðnar varnir. En svo var ekki um alla.</p>
<p>Oscar og Emma voru bæði komin um sjötugt þegar þau kynntust og höfðu bæði misst maka. Þau sögðu: „Við höfum bæði okkar föstu venjur og líður vel hvort á sínu heimili. Það er gott að hittast og njóta saman. Við förum líka saman til útlanda og út að dansa.“</p>
<p>Hið sama gilti um John og Ellen. Hann er vegan og mikill umhverfissinni. Á hans heimili ríkja því mjög ákveðnar reglur um flokkun sorps, plastnotkun og fleira. „Mér fannst það einfaldlega of mikið álag ofan á ábyrgðarmikið starf og umönnun barna að setja mig inn í allt sem hann gerir. Mér finnst hann aðdáunarverður og vildi gjarnan vilja gera jafn mikið fyrir jörðina okkar og hann gerir en tel mig ekki hafa tíma,“ segir hún.</p>
<p>„Ég ætlast alls ekki til þess að aðrir geri allt nákvæmlega eins og ég,“ segir hann. „Ég hef góðan tíma því ég vinn að heiman og get ræktað eigið grænmeti í garðinum. Kannski flytjum við einhvern tíma saman en eins og stendur hentar þetta okkur vel.“ Þess má geta að John og Ellen búa í sömu götu.</p>
<p>Ben hefur hins vegar aldrei búið með konu og finnst það ekki eftirsóknarvert. Hann segist vera haldin skuldbindingafælni og þess vegna sé þægilegt fyrir að hann að vera í fjarbúð og hann vill halda sambandinu opnu, að báðir aðilar geti farið á stefnumót með öðrum ef þá langi til þess.</p>
<p>Öll þessi 50 pör töldu sig hafa fundið góða leið til að njóta þess besta sem náið samband við aðra manneskju hefur upp á að bjóða án þess að þurfa að stíga út fyrir þægindarammann eða gefa eftir sín mörk. Þau töldu að fjarbúð gæfi þeim færi á að minnka streitu og kvíða tengda samskiptum og sambúð við aðra. Að auki hefðu þau ekki þurft að fórna eigin öryggi og skjóli ef illa færi og sambandið endaði með skilnaði.</p>
<p><strong><img loading="lazy" decoding="async" class="alignleft size-medium wp-image-60117" src="https://lifdununa.is/wp-content/uploads/2026/11/952959332b-1920x1280_o-310x207.jpg" alt="" width="310" height="207" srcset="https://lifdununa.is/wp-content/uploads/2026/11/952959332b-1920x1280_o-310x207.jpg 310w, https://lifdununa.is/wp-content/uploads/2026/11/952959332b-1920x1280_o-1024x683.jpg 1024w, https://lifdununa.is/wp-content/uploads/2026/11/952959332b-1920x1280_o-768x512.jpg 768w, https://lifdununa.is/wp-content/uploads/2026/11/952959332b-1920x1280_o-1536x1024.jpg 1536w, https://lifdununa.is/wp-content/uploads/2026/11/952959332b-1920x1280_o-640x427.jpg 640w, https://lifdununa.is/wp-content/uploads/2026/11/952959332b-1920x1280_o-890x593.jpg 890w, https://lifdununa.is/wp-content/uploads/2026/11/952959332b-1920x1280_o.jpg 1920w" sizes="auto, (max-width: 310px) 100vw, 310px" />Líka á Íslandi</strong></p>
<p>Fjarbúð nýtur líka aukinna vinsælda hér á landi. Við ræddum við par sem vill ekki koma fram undir nafni svo við gáfum þeim nöfn.</p>
<p>Elín og Arnar eru til dæmis í fjarbúð. Það kemur til af tvennu segja þau. „Hann býr í bæjarfélagi rétt hjá höfuðborgarsvæðinu en ég er í Reykjavík,“ segir Elín. „Ég myndi aldrei vilja flytja til hans en hann er ánægður þar sem hann er. Við höfum svo sem rætt það að flytja saman en teljum ekki að það myndi bæta neinu við sambandið.“</p>
<p>„Ég hef ákveðinn lífsstíl,“ bætir Arnar við. „Ég er með hesta og á hund. Gæludýr eru ekki leyfð í húsinu hennar Elínar og ég gæti aldrei látið dýrið mitt frá mér. Hugsanlega gætum við fundið eitthvað húsnæði sem hentaði okkur báðum en þá þyrfti ég að keyra á milli til að sinna hestunum. Í augnablikinu er ég mjög ánægður með þetta eins og það er og Elín er frábær manneskja.“</p>
<p>Steingerður Steinarsdóttir ritstjóri Lifðu núna skrifar.</p>
]]></content:encoded>
					
		
		
			</item>
		<item>
		<title>Konur syrgja karlar endurnýja</title>
		<link>https://lifdununa.is/grein/konur-syrgja-karlar-endurnyja/</link>
		
		<dc:creator><![CDATA[Ritstjórn]]></dc:creator>
		<pubDate>Wed, 21 Jan 2026 07:00:06 +0000</pubDate>
				<category><![CDATA[Daglegt líf]]></category>
		<category><![CDATA[Fjölskyldan]]></category>
		<category><![CDATA[Hringekja]]></category>
		<category><![CDATA[ekkjur]]></category>
		<category><![CDATA[ekklar]]></category>
		<category><![CDATA[nýr maki]]></category>
		<category><![CDATA[sorg]]></category>
		<category><![CDATA[stefnumót]]></category>
		<guid isPermaLink="false">https://lifdununa.is/?p=56803</guid>

					<description><![CDATA[Sú skoðun er útbreidd að karlar séu almennt fljótari en konur að hefja nýtt samband eftir skilnað eða makamissi. Á ensku orða menn þetta gjarnan þannig: „women grieve and men]]></description>
										<content:encoded><![CDATA[<p>Sú skoðun er útbreidd að karlar séu almennt fljótari en konur að hefja nýtt samband eftir skilnað eða makamissi. Á ensku orða menn þetta gjarnan þannig: „women grieve and men replace“. Rannsóknir benda hins vegar til að lögmálið sé ekki alveg jafn fastmótað og menn hafa hingað til haldið en karlmenn fara þó yfirleitt fyrr í nýtt samband en konur einkum þegar um er að ræða makamissi á efri árum.</p>
<p>Í nýlegri breskri rannsókn voru tekin djúpviðtöl við ekkjur og ekkla sem nýlega höfðu misst maka sinn um hvernig hversu opin þau voru fyrir því að hefja ástarsamband að nýju. Samtölunum var síðan fylgt eftir ári síðar og tveimur árum síðar. Í ljós kom að mjög svipað var milli kynja hversu tilbúið fólkið var til að hefja nýtt samband en konur rákust hins vegar mun frekar á veggi ef þær gerðu tilraunir til að fara á ný út á stefnumótamarkaðinn. Mjög algengt var til að mynda að uppkomin börn kvenna væru mjög á móti því að mæður þeirra ættu í nánum samböndum. Börn karla voru mun umburðarlyndari hvað þetta varðar. Í sumum tilfellum virtist munurinn stafa af umhyggju barnanna fyrir konunum og ótta við að þær yrðu særðar en einnig spiluðu inn í áhyggjur af því að mæðurnar yrðu síður til staðar til að styðja börn sín ef þær væru uppteknar af ástarsambandi og ótti við að nýr aðili í lífi móðurinnar kynni að hafa fjárhagslegan hag af henni.</p>
<p>Það skipti einnig miklu máli hvenær fólk hugðist hefja samband að nýju. Það fór yfirleitt mjög illa í uppkomin börn þeirra ef foreldrarnir voru farnir að fara á stefnumót eða hitta annað fólk fáum mánuðum eftir lát maka síns. Til að mynda var mikill munur á viðhorfum uppkominna barna til nýs sambands foreldris síns ef það hófst sex mánuðum eftir lát hins foreldrisins en ef það hófst átján mánuðum seinna.</p>
<p><strong>Konur upplifðu frelsi eftir makamissi</strong></p>
<p>Helena Lopata rannsakaði stöðu og líðan bandarískra kvenna eftir makamissi árið 1973 og skrifaði í kjölfarið bókina, <em>Widowhood in an American City</em>. Þar kom fram að margar konur upplifðu frelsistilfinningu eftir makamissi. Þær voru ekki lengur bundnar við þarfir makans og kröfur um fasta matmálstíma, tilteknar venjur eða annars konar umönnun. Flestar þeirra sögðu að þessi hluti lífs þeirra væri liðinn og þær vildu einbeita sér að sjálfri sér og eigin áhugamálum það sem þær ættu eftir. Þeim fyndist dásamlegt að búa einar, nokkuð sem sumar voru að upplifa í fyrsta sinn á ævinni og þær voru hamingjusamar. Rannsókn á kjörum ekkla frá sama tíma leiddi hið gagnstæða í ljós. Karlmenn upplifðu sig týnda eftir missi eiginkonunnar, þeim fannst lífið litlausara, þeir hafa misst tengsl við vini og vandamenn og margir áttu í erfiðleikum með að finna út hvernig þeir ættu að sinna ýmsum þörfum sínum. Sumir kunnu hvorki að elda né þvo þvott.</p>
<p>Þetta hefur breyst mikið ef marka má bresku rannsóknina en enn er algengara að konur kjósi fjarbúð ef þær fara í nýtt samband. Þær vilja ekki taka á sig ábyrgðina af heimilishaldi að nýju en finnst gott að eiga vin og félaga. Karlar eru frekar tilbúnir að hefja sambúð en eru meðvitaðir um að það getur verið flókið. Þeir tala um að halda fjárhagnum aðskildum en vilja frekar halda eigin fasteign en flytja í fasteign konunnar. Þeir hafa litlar áhyggjur af börnunum og skoðunum þeirra á nýju sambandi meðan konurnar óttuðust allar að börn þeirra myndu eiga erfitt með að samþykkja nýjan maka.</p>
<p>Meðal þess sem bresku rannsakendurnir skoðuðu var hvaða áhrif gott samband við látna makann hafði á löngun og líkur á að fólk hefði nýtt samband eftir lát hans. Í ljós kom að ef fólk hafði verið í góðu ástarsambandi eða hjónabandi voru meiri líkur á að það reyndi aftur. En flestir sögðu hins vegar að ást þeirra til fyrri maka hefði ekki dofnað og tilfinningarnar til nýja makans eða félagans væru ekki sambærilegar, yrðu það sennilega aldrei. Það þýddi þó ekki að fólk væri ekki ánægt. Félagsskapurinn var þeim mikilvægur og fólkinu leið mjög vel í nýju sambandi.</p>
<p>Í ljósi þess að rannsóknir sýna að gott er fyrir heilsufar eldra fólks að vera í hjónabandi eða nánu sambandi ættu uppkomin börn því frekar að styðja foreldra sína í þeirri viðleitni en leggja stein í götu þeirra. Það að stofna til nýrra kynna dregur úr líkum á að fólk þrói með sér þunglyndi í kjölfar makamissis og því finnst auðveldara lifa með sorginni.</p>
<p>Steingerður Steinarsdóttir ritstjóri Lifðu núna skrifar.</p>
]]></content:encoded>
					
		
		
			</item>
		<item>
		<title>Giftist gömlu kærustunni eftir 50 ár</title>
		<link>https://lifdununa.is/grein/giftist-gomlu-kaerustunni-eftir-50-ar/</link>
		
		<dc:creator><![CDATA[Ritstjórn]]></dc:creator>
		<pubDate>Mon, 20 Jun 2016 11:14:02 +0000</pubDate>
				<category><![CDATA[Daglegt líf]]></category>
		<category><![CDATA[Fjölskyldan]]></category>
		<category><![CDATA[Hringekja]]></category>
		<category><![CDATA[Aldur]]></category>
		<category><![CDATA[gifting]]></category>
		<category><![CDATA[kærasti]]></category>
		<category><![CDATA[nýr maki]]></category>
		<guid isPermaLink="false">http://lifdununa.is/?p=9844</guid>

					<description><![CDATA[Með tilkomu samfélagsmiðla er orðið auðveldara að hafa uppá gömlum kærustum og stundum leiðir það til þess að menn ná aftur saman]]></description>
										<content:encoded><![CDATA[<p>Stundum veltir fólk því fyrir sér þegar aldurinn færist yfir, hvað myndi gerast ef það hitti aftur kærastann eða kærustuna frá menntaskólaárunum. Fólk er kannski búið að vera gift, er fráskilið eða búið að missa makann og þessi hugmynd skýtur upp kollinum.  Sambandið frá menntaskólaárunum tók enda, en hvað gæti gerst ef þau hittust aftur?  Kannski er hægt að finna gamla kærastann á Facebook,eða „gúggla“ stelpuna sem þú varst bálskotinn í á unglingsárunum. Fæstir gera nokkuð í málinu, en fyrir suma er það leiðin til að finna ástina, að hafa uppá gömlum kærasta eða kærustu.  Á systursíðu Lifðu núna í Bandaríkjunum aarp.org,  er sagt að þetta sé að verða algengara með tilkomu samfélagsmiðlanna.</p>
<p><strong>Geta gamlir vinir orðið nýir makar?</strong></p>
<p>Þar segir líka að könnun á vegum Pew Research Center á síðasta ári, hafi sýnt að helsta ástæða þess að fólk yfir fimmtugu sé á netinu, sé að þannig geti það haft uppá gömlum vinum. Hvort þessir gömlu vinir verði síðan nýir makar, sé erfiðara að reikna út.  Engu að síður er rætt á vefsíðu aarp, við fólk sem fann ástina með því að hafa samband við gamla „flamma“.  Hvort sem það hafði samband í gegnum samfélagsmiðla, stefnumótasíður, hringdi, sendi bréf eða hittist af tilviljun í útskriftarafmæli eða í jarðarför. „Að eiga sameiginlega fortíð getur verið þægilegt, sértaklega þegar við eldumst“, segir sálfræðingur sem er spurður álits á þessu á síðunni.  „Fólk sem við umgengumst á yngri árum þekkir okkur oft vel og við það. Það getur auðveldað náin kynni“.</p>
<p><strong>Hittust aftur í jarðarför</strong></p>
<p>Greint er frá pari á aarp.com, við skulum kalla þau Önnu og David,  sem var saman í háskólanum í North Dakota árið 1964. Mæður þeirra voru æskuvinkonur og þær komu þeim saman í upphafi. Hvorug þeirra lifði hins vegar að sjá þau giftast 50 árum síðar. David var giftur maður þegar hann kom með móður sinni, í jarðarför móður Önnu. Hann tók eftir því að Anna, sem var fyrrverandi fegurðardrottning, var alveg jafn glæsileg og hún hafði verið þegar þau voru saman fyrir fimmtíu árum.  Þegar móðir Davids lést nokkrum mánuðum síðar, sendi Anna honum samúðarkveðjur og það gerði hún líka þegar konan hans lést skyndilega skömmu seinna.</p>
<p><strong>Ef þú gætir hugsað þér það?<br />
</strong></p>
<p>David sem var tannlæknir á eftirlaunum, tók sig til nokkru síðar og fletti fyrirtæki Önnu upp á vefnum og sá þá að hún var með námskeið, sem hann ákvað að drífa sig á.  Hann vissi að hún var ógift, en vissi ekki hvort hún átti kærasta. Hann ákvað að kanna málið, enda orðinn sjötugur og fannst hann ekki neinn tíma mega missa. Það er skemmst frá því að segja að hann bauð henni í mat og sagði henni nákvæmlega hvað honum bjó í brjósti.  „Málið er það, að ég hef ævinlega borið allar konur saman við þig.  Nú er ég að leita að einhverjum sem vill vera félagi minn í lífinu og hafa það skemmtilegt með mér. Ef þú getur hugsað þér það, væri það yndislegt“</p>
<p><strong>Töfrum líkast</strong></p>
<p>Næsta dag lagði Anna það til að þau færu saman í ferðalag til New York um jólin og til Parísar um áramótin.  Þau gerðu það og skruppu til Ítalíu í leiðinni þar sem David hélt uppá afmælið sitt.  Þau giftu sig svo í apríl 2015 um borð í snekkju í höfninni í San Francisco.  David segir þetta töfrum líkast. Anna hafi munað öll stefnumótin þeirra og líka lagið þeirra með Buck Owens. „Love´s Gonna Live Here“</p>
<p><strong>Ætlaði ekki að giftast aftur</strong></p>
<p>„Ég var vön að segja að ég myndi aldrei gifta mig aftur“, segir Anna.  „Eftir að ég skildi fannst mér flestir karlmenn alltof þurfandi. En David er ekki þannig.  Hann eldar og finnst gaman að hafa líf og fjör í kringum sig. Við hlæjum mikið og treystum hvort öðru fullkomlega. Ef annað okkar byrjar að tala, getur hitt botnað setninguna“.</p>
]]></content:encoded>
					
		
		
			</item>
	</channel>
</rss>
