varalitur – Lifðu núna

Fallega mótaðar varir eru andlitsprýði

Ritstjórn — Thu, 30 Mar 2023 07:00:30 +0000

„Það á alltaf að byrja með blýanti og móta varirnar“, segir Ragna Fossberg förðunarmeistari, en Lifðu núna spurði hana um notkun varalita. „Ef vörin er lítil má stækka hana örlítið með blýanti og einnig má forma varirnar, því sumir eru með skakkar varir“, segir hún. Ragna segir að þegar varalitur sem er skrúfaður upp sé kominn niður á slétt, sé um þriðjungurinn af honum eftir í hulstrinu. Þannig þurfi konur að eiga varalitapensil til að geta notað allan varalitinn og setja hann á með penslinum.

Ragna Fossberg

Ekki gleyma munnvikunum

Ragna segir mikilvægt að gleyma ekki munnvikunum þegar varaliturinn sé settur á. „Þetta eru ekki tvær lausar einingar. Efrivör og neðrivör sem þekkjast ekki neitt! Ekkert svoleiðis, þær eru tengdar með munnvikunum“.

Gloss rennur frekar til

Það er mjög gott að nota svokallaðan varalitastoppara. Hann er að sögn Rögnu borinn á, á undan bæði blýanti og varalit. Hann er settur í kantinn á vörunum og kemur í veg fyrir að liturinn renni út. „Það er meiri hætta á því að gloss renni til á vörunum, en varalitur“, segir Ragna. En gloss henti vel fyrir þá sem vilja eitthvað létt og þá í daufum litum. En „fallega mótaðar varir eru mikil andlitsprýði“ segir hún.

Nota frekar minna en meira

Ragna segir að allt varðandi snyrtingu sé persónubundið, einum finnist eitt fallegt, en öðrum annað. En það sé góð regla að nota frekar minna en meira. Oft sé nóg hversdags að hugsa fyrst og fremst um augabrúnir og varalit. Sérstaklega ef konur eru með gleraugu.

Rauðar varir tákn um dirfsku og glæsileika

Ritstjórn — Wed, 02 Aug 2017 09:41:00 +0000

Sumt fólk heldur að konur sem komnar eru yfir miðjan aldur geti ekki verið með rauðan varalit, segir stílistinn Mary Wickison. Hún segir þetta hina mestu firru. Konur sem skarti rauðum vörum séu áræðnar, örgrandi og afar glæsilegar. Mary segir að ef konur hafi notað rauðan varalit alla ævi sé engin ástæða til að hætta því þó þær eldist, það eina sem þurfi að hafa í huga sé að velja réttan litatón, húðlitur breytist oft örlítið með aldrinum. Hún segir að snyrtivöruframleiðendur séu í vaxandi mæli að átta sig það séu ekki bara konur á aldrinum 20 til 30 ára sem noti snyrtivörur heldur séu það konur á öllum aldri sem hafi gaman að því að líta vel út. Það geri það að verkum að nú sé í borði fjölbreyttari förðunarvörur fyrir konur á miðjum aldri og þaðan af eldri en fyrir nokkrum árum.

Eftir því sem árunum fjölgar tapar húðin teygjanleika sínum og ljóma og fíngerðar hrukkur koma í ljós. Mary segir að þess vegna sé nauðsynlegt að huga að því hvort það þurfir að skipta um snyrtivörur. Ef konur noti sömu vörurnar og þær notuðu fyrir aldarfjórðungi sé komin tími til að huga að breytingum. Allir eigi sínar uppáhalds vörur en það sé ekki víst að þær passi lengur fyrir viðkomandi. Eldri konur þurfi snyrtivörur sem innihaldi meiri raka en vörur sem þær notuðu þegar þær voru yngri. Það sama gildi um varalitinn. Hér fyrir neðan er myndband með góðum ráðleggingum um hvernig sé best að bera á sig varalit svo hann haldist fallegur í langan tíma.

Falleg og einföld kvöldförðun

Ritstjórn — Tue, 27 Oct 2015 11:32:44 +0000

Förðunarfræðingurinn Lisa Eldridge farðaði leikkonununa og fyrirsætuna Isabellu Rossini nýlega fyrir afmælisfagnað snyrtivörumerkisins Lancome sem haldið var í París. Förðun Isabellu vakti mikla athygli og í myndbandinu hér fyrir neðan sýnir Lisa hvernig konur sem komnar eru á sextugsaldurinn og eldri geta nýtt sér þessa einföldu en fallegu kvöldförðun. Flest allar vörurnar sem notaðar eru ættu að vera fáanlegar í næstu snyrtivörubúð. En sjón er sögu ríkari og hér er myndbandið.

Nokkur skotheld varalitaráð

Ritstjórn — Mon, 18 May 2015 13:27:16 +0000

Það er hvimleitt þegar varaliturinn blæðir út í fínar línur á efri vörinni. Það er hins vegar auðvelt að koma í veg fyrir slíkt með varlitablýöntum, annað hvort í svipuðum lit og varaliturinn eða glærum. Þegar konur varalita sig er gott að byrja á því að bera augnkrem á í kringum varirnar og á þær til að þétta húðina, ýmis fleiri ráð eru til svo að liturinn fari sem best og dugi sem lengst. Í myndbandinu hér fyrir neðan er rakið stig af stigi hvernig best er fyrir þroskaðar konur að varalita sig og hvaða áhöld þarf að hafa við hendina.