Guðrún Hafsteinsdóttir.

Guðrún Hafsteinsdóttir formaður Samtaka lífeyrissjóða skrifar.

Nýlega deildi góður vinur minn raunum sínum á Facebook sem þýðir að í raun deildi hann raunum sínum með alnetinu í öllu sínu veldi. Hann lýsti í löngu máli hvað hann væri búin að láta plata sig mikið í gegnum tíðina í þágu mannúðar … aðallega þó konunnar sinnar. Vandamálið var að hann hefur í mörg ár glímt við miklar hrotur. Það hefur svo sem ekki truflað hann mikið en það hefur aftur á móti haft töluverð áhrif á eiginkonu hans. Hann rakti í löngu máli allar tilraunir sínar til að létta líf eiginkonu sinnar svo nætursvefn hennar yrði betri. Hann sagðist reyndar vera búin að eyða töluverðum fjármunum í þetta vandamál og sýndi hann hinar ýmsu græjur sem hann hefur keypt aðallega í erlendum netverslunum. Hann byrjaði á því að kaupa sér nefúða sem hann átti að úða í nefið til að minnka hroturnar. Það virkaði ekki neitt. Þá fór hann að leita fyrir sér á netinu og fann þar sniðugt, lítið plaststykki sem hann stakk upp í nasirnar en það var ekkert sniðugt því það datt úr nefinu eitt sinn, lenti í munni hans og hrökk næstum ofan í hann svo næstum endaði illa. Þá fann hann apparat úr silikoni, mjúkt og fínt og tróð því í nefið. Ekki virkaði það. Þá keypti hann sér teygju sem hann vafði þvers og kruss um höfuð sitt en það virkaði ekki og kafnaði hann næstum því þar sem hann gat ekki opnað munninn. Það fór því í ruslið. Þá lét hann sérsmíða góm fyrir morðfé en þurfti síðan að fara í tannviðgerð stuttu seinna og þá gat hann ekki notað góminn auk þess virkaði hann ekki neitt. Svo sá hann á netinu græju sem honum leist vel á. „Konan verður rosa ánægð með þetta“ Græjan var frekar stór og með innbyggðri viftu sem kveikt var á og blés tækið þá súrefni í nefið en það virkaði ekki auk þess var tækið svo stórt að hann var eins og nashyrningur með það. Tækið passaði líka illa og vildi hann meina að það væri ekki hannað fyrir íslenska karlmenn heldur fíngerðari menn í fjarlægri heimi. Þá keypti hann sérstaka plástra frá Kína sem hann límdi á nefið en það gerði ekki nokkurt gagn. Á endanum gafst hann upp á þessu öllu og færði sig bara í annað herbergi og allir eru sáttir. Svo fer hann bara í gamla svefnherbergið sitt þegar hann þarf aðeins að „spjalla“.

]]> https://lifdununa.is/grein/ef-madur-hefur-ekki-tima-fyrir-heilsuna-nuna-mun-madur-ekki-eiga-heilsu-fyrir-timann-sidar-meir/ Mon, 18 Jan 2021 08:15:12 +0000 https://lifdununa.is/?p=32220

Guðrún Hafsteinsdóttir.

Guðrún Hafsteinsdóttir  skrifar

Nú í upphafi árs hafa líklega margir sett sér markmið af margvíslegum toga. Mörg tengjast bættri heilsu hvort sem er andlegri eða líkamlegri. Það er ánægjulegt að sjá hve fólk virðist vera orðið duglegra að hreyfa sig og þá sér í lagi að stunda útivist. Síðustu mánuði hafa margir reimað á sig gönguskóna þar sem bæði sundlaugar og líkamsræktarstöðvar hafa verið lokaðar. Ég bý svo vel hér í Hveragerði að umhverfis heimili mitt er aragrúi göngu- og hjólaleiða við allra hæfi og markvert hve margir eru á ferli miðað við fyrir alheimsfaraldur.

Við erum nú síðustu mánuði búin að vera að glíma við heimsfaraldur, kórónuveiru og afleiðingar hennar, sjúkdóminn Covid-19. Efnahagslegur kostnaður við að hefta útbreiðslu veirunnar er gríðarlegur og ljóst að mörg ríki verða lengi að jafna sig. Þá er ónefndur sá harmur sem sjúkdómurinn hefur valdið en þegar þetta er ritað hafa yfir 2 milljónir manna látist á heimsvísu af völdum veirunnar.  Kórónuveirufaraldurinn hefur tekið yfir alla umræðu síðustu mánuði og mun vafalaust gera það áfram. Við sjáum þó fyrir endann á þessum ósköpum með tilkomu bóluefnis og vonandi munu bólusetningar ganga vel á næstu mánuðum. Það er þó vert að nefna að við erum stödd í öðrum faraldri sem mun minni umræða er um en það er hinn svokallaði „Lífsstílsfaraldur 21. aldarinnar“. Það má færa fyrir því rök að nú sé raunveruleg hætta á að næsta kynslóð komi til með að lifa skemur en þær kynslóðir sem undan hafa gengið. Ég átti nýlega spjall við kunningjakonu mína sem starfar við líkamsþjálfun og næringarráðgjöf. Eitt er það sem hún sagði sem hefur setið í mér síðan en það var að sú stefna sem við höfum rekið hér á landi í heilbrigðismálum væri viðbragð en ekki forvörn og að nú stæðum við á tímamótum þar sem hver manneskja yrði að gera allt sem í hennar valdi stæði til að koma í veg fyrir að þurfa að nýta sér heilbrigðiskerfið. Þessi vinkona mín vildi meina að þegar ég verði orðin eldri og þurfi kannski á þjónustu að halda að þá yrði enginn til að sinna mér þar sem yngri kynslóðin verði orðin háð þjónustunni á undan mér! Í dag eru um 70-80% kostnaðar í heilbrigðiskerfinu tilkominn vegna lífsstílssjúkdóma og á bara eftir að aukast. 90% Íslendinga látast úr ósmitnæmum sjúkdómum og um helmingur þessara dauðsfalla er hægt að tengja við lífsstíl viðkomandi. Það hlýtur að vera eðlilegt að spyrja hvað valdi þessari sjúkdómsbyrði hér á landi? Svarið er: ViÐ sjálf!

Því ber að fagna því að í upphafi hvers árs leggi margir af stað með góð fyrirheit í farteskinu um að taka heilsuna í gegn á nýju ári. Árangurinn er misjafn en eins og ég sagði í upphafi sé ég sífellt fleiri sem nýta sér nærumhverfið til góðra göngutúra og annarrar útiveru.

Ég hef allavega sett mér það markmið að hreyfa mig meira á þessu ári sem nýgengið er í garð og borða meira grænt!

Guðrún Hafsteinsdóttir

]]> https://lifdununa.is/grein/telur-haegt-ad-bjarga-baedi-mannslifum-og-efnahag/ Mon, 02 Nov 2020 07:54:18 +0000 https://lifdununa.is/?p=31082

Guðrún Hafsteinsdóttir.

Guðrún Hafsteinsdóttir formaður Samtaka lífeyrissjóða skrifar.

Þegar þetta er ritað stöndum við frammi fyrir því að líklega munu yfirvöld hér á landi herða sóttvarnir frá því sem verið hefur undanfarnar vikur. Þrátt fyrir að hert hafi verið á fjölda þeirra sem mega koma saman, veitingahúsum verið gert að loka fyrr á kvöldin og íþróttastarfsemi takmörkuð hefur okkur ekki tekist að fækka smitum. Veirunni vex ásmegin ef eitthvað er. Þreyta er farin að segja til sín og margir hafa stigið fram og reynt að draga úr trúverðugleika sóttvarnalæknis og þeirra sem lagt hafa línur í þessum efnum síðustu mánuði. Það er miður þar sem í upphafi faraldursins fann maður fyrir mikilli samstöðu í samfélaginu enda náðum við árangri í vor og fengum dásamlegt sumar þar sem við gátum farið nokkuð frjálslega um, ferðast, hitt vini og sótt veislur. Það hefur ekki verið raunin nú í haust. Heimsóknarbönn hafa verið endurvakin á dvalar- og hjúkrunarheimilum þannig að aftur þurfa þeir sem þar búa að vera fjarri ástvinum sínum.  Í vikunni kom hópur fólks saman á Austurvelli til að mótmæla aðgerðum ríkisstjórnarinnar. Ég gleðst alltaf yfir því að búa í frjálsu landi þar sem hver og einn hefur tækifæri til að lýsa skoðunum sínum, hverjar sem þær eru. Ég skil einnig áhyggjur fólks sem misst hefur lífsviðurværi sitt og býr nú við algjöran tekjumissi. Ég hafna aftur á móti öllum hugmyndum um hvers kyns skiptingu á milli björgunar mannslífa eða björgunar efnahagslífsins því ég trúi því að hægt sé að samræma þessi tvö markmið. Því við stöndum nú frammi fyrir því að það er í þágu beggja markmiða að takmarka samneyti fólks og þar með takmarka ákveðna starfsemi og eins að fólk haldi sig sem mest heima. Við megum aldrei missa sjónar á því að líf er líf og að hvert líf skiptir máli óháð því á hvaða aldursskeiði við erum.  Setjum nú öll undir okkur hausinn. Tökum þetta föstum tökum og náum þessari veiru niður á næstu tveimur, þremur vikum og þá getum við vonandi haldið gleðilega aðventu svo ekki sé minnst á gleðileg jól! Við erum búin að sýna það að við gátum þetta í vor með samstöðunni, gerum það aftur!

Við fengum svör hjá bönkunum um hvað hefur verið gert til að mæta þörfum elsta hópsins:

Íslandsbanki

Þjónusta Íslandsbanka við eldri borgara segja Hildur Kristmundsdóttir, forstöðumaður einstaklingssviðs og Jóhanna Erla Birgisdóttir, vörustjóri einstaklingssviðs, vera töluverða. Nýjung sem varð til í Íslandsbanka vegna Covid en verður áfram í boði vegna vinsælda og ánægju eldri borgara er til dæmis eftirfarandi:

Sér símanúmer fyrir eldi borgara 440-3737.

Aðstoð og leiðbeiningar varðandi notkun á starfrænum lausnum.

Auðveldara aðgengi og minni bið.

Góð viðbrögð strax í upphafi.

Vörur sérhannaðar fyrir eldri borgara:

Óverðtryggður sparnaðarreikningur með þrepaskiptum vöxtum, í boði fyrir 60 ára og eldri, Útborgun vaxta mánaðarlega og engar takmarkanir á inn/út borgunum fyrir viðskiptavini 60 ára og eldri.

Reikningurinn er aðgengilegur í öllum dreifileiðum bankans, í útibúi, netbanka og appi.

Margir fræðslufundir fyrir eldri borgara um allt land tengt fjármálum við starfslok. Sérstakur fræðsluvefur með efni  tengt fjármálum við starfslok

Netslóðir sem Íslandsbanki býður upp á:

https://www.islandsbanki.is/is/frett/aukin-thjonusta-vid-eldri-borgara

https://www.islandsbanki.is/is/timamot/fjarmal-vid-starfslok

Landsbankinn

“Við leggjum áherslu á að viðmótið í stafrænu lausnunum, s.s. netbanka og appi sé skýrt og þægilegt og henti sem flestum,” segir Helgi Teitur Helgason, framkvæmdastjóri einstaklingssviðs Landsbankans.

“Markmiðið með rekstri vefsíðunnar er að gera líf og störf  þeirra landsmanna sem eru komnir um og yfir miðjan aldur sýnilegri en þau eru, auka umræðu um þau málefni sem tengjast þessu æviskeiði og lífsgæði þeirra,” segir Helgi. „Þá er lögð sérstök áhersla á notendaviðmót fyrir sjónskerta og sjóndapra og hefur bankinn fengið viðurkenningu og hrós fyrir framgöngu sína í þeim efnum sem okkur í Landsbankanum hefur þótt vænt um. Óskýr framsetning eða smátt letur er þá ekki hindrun fyrir þá sem ekki hafa fulla sjón. Gera má ráð fyrir að þegar fram líða stundir verði þessar lausnir í auknum mæli raddstýrðar af notendum. Tækninni fleygir fram.

Við höfum boðið opin námskeið fyrir fólk til að læra á stafrænu lausnirnar en reynslan hefur kennt okkur að flestir, einkum eldra fólk, hefur meira og betra gagn af því að fá kennslu og leiðbeiningar af þessu tagi með fyrirkomulaginu „maður á mann“. Um leið aðstoðum við fólk að ná sér í rafræn skilríki án endurgjalds en rafræn skilríki eru sífellt að verða mikilvægari til að fólk geti nýtt sér ýmsa þjónustu sem er í boði í samfélaginu öllu. Að okkar mati er þessi fræðsla og aðstoð ein besta þjónustan sem við getum veitt þessum hópi viðskiptavina hvað afgreiðsluerindin varðar.

Margir eldri viðskiptavinir sem hafa tileinkað sér tæknina, eftir að hafa fengið kennslu í útibúum, kjósa að mæta í útibú bankans til að sinna bankaerindum með þessum stafrænu lausnum, því þeir finna í því öryggi og traust að sinna þeim innan veggja bankans. Og við bjóðum þau að sjálfsögðu velkomin og í útibúunum geta þau komist í tölvur og fengið aðstoð ef þörf krefur.

Ef viðskiptavinur vill ekki eða getur ekki nýtt sér stafrænar lausnir bankans eru eftir sem áður fjölmargar leiðir til að einfalda lífið. Það er t.d. hægt að skrá reglulega reikninga til dæmis kredtikorta-, rafmagns-, hitaveitu-, húsfélagsreikninga og aðra reglulega reikninga í beingreiðslur. Þá þurfa viðskiptavinir ekki að hafa áhyggjur af því að gleyma að borga með tilheyrandi kostnaði og óþægindum og auk þess spara þeir sé ferðir í bankann.

Ég bendi líka á að þótt bankaþjónusta sé í auknum mæli stafræn þá leggjum við í Landsbankanum líka áherslu á að veita persónulega þjónustu um allt land. Við rekum alls 36 útibú og afgreiðslur í öllum landshlutum og er leitun að stærra þjónustuneti á Íslandi. Að auki hefur bankinn á dreifbýlli svæðum landsins, einkum þar sem um lengri eða erfiðari leiðir er að fara, boðið viðskiptavinum upp á þjónustuheimsóknir. Þær eru yfirleitt í boði á öldrunar- og elliheimilum. Þessi þjónusta er fyrst og fremst hugsuð fyrir þá viðskiptavini sem heilsu sinnar vegna geta hvorki sótt sér þjónustu í útibúi né nýtt sér stafrænar lausnir.

Þar að auki rekur bankinn eitt stærsta þjónustuver landsins en þangað geta viðskiptavinir hringt á opnunartíma og fengið upplýsingar og ákveðna grunnþjónustu, svo sem að millifæra peninga og greiða reikninga. Til að geta nýtt sér þessa þjónustu þurfa viðskiptavinir að geta auðkennt sig með leyninúmeri eða rafrænum skilríkjum, þannig að hægt sé að sanna á þeim deili.

Ráðgjöf til viðskiptavina er sífellt mikilvægari þáttur í þjónustu okkar. Við viljum aðstoða viðskiptavini við að haga sínum fjármálum með sem bestu hætti, kynna fyrir þeim leiðir og valkosti, þannig að ávinningur þeirra verði sem mestur og bestur í ljósi aðstæðna hvers og eins.

Þá er rétt að nefna að eldri viðskiptavinum, alveg eins og þeim yngri, býðst að taka lán hjá bankanum t.d. íbúðalán til að endurfjármagna eldri lán eða til að kaupa eignir sem henta þeim betur t.d. í því ljósi að börnin eru flutt að heiman. Allt í kringum þetta kallar yfirleitt á spurningar um hvernig hlutirnir virka, hvaða kostir séu í stöðunni og hvað kunni að henta best í ljósi aðstæðna hvers og eins. Þessi ráðgjöf er veitt bæði í húsakynnum flestra útibúa bankans og í gegnum síma ef því er að skipta og betur hentar viðskiptavinum.

https://www.landsbankinn.is/einstaklingar/sparnadur/frodleikur/byggdu-upp-sparnad/aeviskeid-iii/

https://www.landsbankinn.is/einstaklingar/sparnadur/bankareikningar/vaxtareikningur-vardan-60/

Arion banki

Að sögn Haraldar Guðna Eiðssonar, forstöðumanns samskiptasviðs Arionbanka býður bankinn mjög fjölbreytta fjármálaþjónustu sem allir aldurshópar geta nýtt sér. Gjaldkeraþjónusta er í útibúum bankans um land allt og býður bankinn jafnframt upp á tíma- og símtalspantanir þegar sérstaklega þarf að fara yfir málin.

Að auki eru Arion appið og netbankinn stöðugt að verða vinsælli enda er hægt að sinna öllum einfaldari aðgerðum þar. Í útibúum okkar hefur verið sérstök áhersla á að kenna viðskiptavinum á þessar öflugu stafrænu lausnir sem og sjálfsafgreiðslulausnirnar (hraðbankana). Jafnframt höfum við boðið eldra fólki upp á sérstök námskeið í notkun stafrænna lausna.

Tilteknir þættir í þjónustu bankans eru sérstaklega ætlaðir eldra fólki. Við bjóðum meðal annars sérstaka innlánsreikninga, Premium 50+, sem eru ætlaðir fólki sem er eldra en 50 ára. Jafnframt bjóðum við upp á fasteignalífeyrislán sem gerir fólki kleift að nýta eigið fé í fasteign sinni til að auka ráðstöfunartekjur.

Svo er rétt að taka fram, að í vor þegar það þurfti að loka útibúunum vegna COVID-19 þá hringdi bankinn af fyrra bragði í viðskiptavini sem koma reglulega í útibú bankans um mánaðamót, en þeirra á meðal er stór hluti eldra fólk, og reyndi eftir fremsta megni að leysa úr málum fólks símleiðis eða með öðrum hætti.

Guðrún Hafsteinsdóttir.

Guðrún Hafsteinsdóttir formaður Samtaka lífeyrissjóða skrifar.

Nýverið var sýnd í sjónvarpinu mynd sem fjallaði um einn vinsælasta bloggara Svíþjóðar Dagnýju Carlsson. Það er svo sem ekki í frásögur færandi þó fólk segi frá lífi sínu og tilveru á samfélagsmiðlum en það sem þykir óvenjulegt í þessu tilfelli er að bloggarinn er 108 ára gömul kona í Stokkhólmi. Í myndinni birtist Dagný okkur sem einstaklega jákvæð og glaðlynd kona. Forvitin, fróðleiksfús og áhugasöm um allt sem mannlegt er. Fyrir mér er Dagný Carlsson áminning um að við hættum aldrei að lifa. Hvert einasta æviskeið er heillandi og við þurfum í raun aldrei að hafa áhyggjur af því þó eitt ár eða áratugur bætist á okkur.

Ég hafði aldrei heyrt um þessa skemmtilegu konu en hún hefur ekki vikið úr huga mér síðan ég sá myndina. Daginn eftir var ekki um annað talað í morgunsundinu í sundlauginni minni í Hveragerði. Eldsnemma á morgnana mætir sami hópur í sund og nýtur þess bæði að synda en ekki síður að hitta annað fólk og fara yfir stöðuna í samfélaginu og lífi hvers og eins. Einn fastagestur sundlaugarinnar er hann Ásgeir sem syndir daglega árið um kring í hvaða veðri sem er. Kemur gangandi eða á hjóli og lætur fátt stöðva sig þó hann sé orðinn 93 ára gamall. Ásgeir minnir mig á mikilvægi virkni og hreyfingar í hvert skipti sem ég sé hann.

Fyrir hálfu ári síðan fagnaði ég hálfrar aldar afmæli. Það þykir í sjálfu sér ekki merkilegt en þegar ég hugsa til baka hundrað ár eða svo að þá var meðalaldur okkar Íslendinga lítið hærri en 50 ár. Ég er því afskaplega þakklát fyrir það að búa í landi sem hefur aukið lífaldur og lífsgæði íbúanna svona stórkostlega á síðustu áratugum. Á síðustu 30 árum hefur meðalaldur íslenskra karla hækkað um 8 ár og það er ekki lítið og er nú 80 ár en meðalaldur íslenskra kvenna er um 84 ár.

Í vetur horfði ég á áhugaverða þætti eftir Helgu Arnardóttur sem hétu „Lifum lengur“. Þar rannsakaði Helga langlífi í mörgum löndum. Það sem flestir áttu sammerkt að mínu mati í þáttunum sem náð höfðu háum aldri var; fæðan byggðist mikið á grænmeti og hollum olíum, fólk drakk 1-2 rauðvínsglös á dag, hreyfing var dagleg rútína, fólk var trúað og ræktaði trú sína og síðast en ekki síst var fólk í góðum félagslegum samskiptum við vini og vandamenn. Mér þóttu þetta merkilegar niðurstöður og mér leið eins og þarna hefði mér verið gefinn vegvísir í átt að því að lifa lengi og lifa vel.

En þar sem ég sit nú og velti fyrir mér mínum hækkandi lífaldri get ég ekki annað en brosað yfir því að ef ég næ að lifa jafn lengi og vinkona mín Dagný Carlsson að þá á ég að minnsta kosti 58 ár ólifuð og ég því ekki hálfnuð með mína ævi!

Ég ætla að geyma myndina af Dagnýju í huga mér og eiga hana að sem fyrirmynd og nota næstu fimmtíu ár vel. Lifa í núinu, kanna heiminn, rækta tengsl við ættingja og vini, borða góðan mat, dansa, eignast ný áhugamál en umfram allt ætla ég að halda í gleðina og njóta þess að lifa meðan ég fæ að lifa. Lífið er gjöf og það er okkar hvernig við förum með þá gjöf.