Marineruð síld er afar góð. Hún er góð með eggjum, grófu brauði eða rúgbrauði og flatbrauði. Við rákumst á þessa uppskrift af kartöflusalati til að hafa með síldinni á vef MS og getum ekki beðið eftir að prófa. Það sem til þarf er:
2 dósir af sýrðum rjóma
5 stórar kartöflur
2 epli
4 egg
150 gr. agúrka
5 sýrðar smágúrkur
1 msk laukur (smátt saxaður)
1 tsk. karrí
2 tsk. sítrónusafi
Season all, salt og pipar.
Síld
Blandið kryddinu vel saman við sýrða rjómann. Skerið soðnar kartöflur og epli í teninga og bætið út í ásamt harðsoðnum, söxuðum eggjum (í eggjaskera). Saxið smágúrkur og ferskar agúrkur og bætið út í, að síðustu söxuðum lauknum og sítrónusafanum. Látið salatið bíða í 6-8 tíma og berið síðan fram með síldinni.
