Þjónustuíbúðir og hjúkrunarheimili á vegum borgarinnar.

Ingvar Mar Jónsson

Ingvar Mar Jónsson 1. sæti Framsóknarflokksins skrifar:

Framsóknarflokkurinn vill að Reykjavík fari í uppbyggingarátak til þess að fjölga þjónustuíbúðum og hjúkrunarrýmum.  Ennfremur viljum við að borgin annist rekstur þeirra sem mótvægi við einkarekstur. Við höfum áhyggjur af því að einkarekin hjúkrunarheimili séu rekin á kostnað eldri borgara.

Hugmynd okkar gengur út á að borgin reki þjónustuíbúðir og hjúkrunarrými á kostnaðarverði þannig að ekki sé verið að hagnast á eldri borgurum.  Eldri borgarar eru ekki markaðsvara.  Það á enginn að græða á eldri borgurum !

Við í Framsóknarflokknum berum virðingu fyrir eldri borgurum og viljum gera allt sem í okkar valdi stendur til þessa að tryggja þeim áhyggjulaust ævikvöld.  Eldri borgarar eiga allt það besta skilið, fólk sem staðið hefur vaktina og byggt upp okkar góða samfélag.

 

 

 

Ritstjórn maí 7, 2018 11:05