Enn líf í dalnum – fyrirlestur um Guðrúnu frá Lundi

þriðjudaginn 3. október í Hæðargarði 31 kl. 17:15

Enn líf í dalnum – Guðrún frá Lundi

Marín Hrafnsdóttir

Liðin eru rúm 70 ár frá því að fyrsta bindi skáldsögunnar Dalalífs kom út. Alls urðu bindin fimm og var þar komin lengsta skáldsaga sem komið hafði út á Íslandi, rúmar 2000 síður.  Þessi vinsæla sveitasaga markaði upphaf ritferils skáldkonunnar Guðrúnar Árnadóttur, Guðrúnar frá Lundi.

Í fyrirlestrinum fer Marín Hrafnsdóttir, sem er langömmubarn Guðrúnar, yfir æviferil Guðrúnar með það að leiðarljósi að gestir fái innsýn í tíðaranda horfins heims. Umfjöllunarefni skáldsagna Guðrúnar verða skoðuð og rýnt í viðtökur og vinsældir og reynt að glöggva sig á hvað það er sem gerir það að verkum að hún slær enn sölu- og vinsældamet.

Ekki er nauðsynlegt að þekkja til verka skáldkonunnar og er fyrirlesturinn ætlaður öllum sem vilja kynna sér ævi og verk Guðrúnar frá Lundi og tengja við líflega og oft óvægna bókmenntaumræðu sem einkenndi  sjötta og sjöunda áratug síðustu aldar.

Þetta er fyrsta erindið í rithöfundaröð haustsins þar sem þrír höfundar verða kynntir með ýmsum hætti. Í kjölfar Guðrúnar frá Lundi verður svo fjallað um Halldór Laxness og Gunnar Gunnarsson.

Allir velkomnir, en nauðsynlegt er að skrá sig. SKRÁ MIG HÉR.

Aðgangur er kr. 500 og greiðist í reiðufé við innganginn.

Marín með langömmu sinni Guðrúnu Árnadóttur.

 

 

Ritstjórn september 28, 2017 10:11