Fyrirlestur um Rannveigu Þorsteinsdóttur, lögfræðing og alþingismann

Merkir Íslendingar – Fimm fyrstu konurnar sem sátu á Alþingi, er fyrirlestraröð sem haldin var í haust á vegum Háskóla þriðja æviskeiðsins.  Vegna veðurs varð að fresta  fyrirlestrinum um Rannveigu sem átti að vera í desember, en nú hefur þráðurinn verið tekinn upp aftur og  verður fyrirlesturinn haldinn þriðjudaginn 9. febrúar klukkan 17:15 í Félagsmiðstöðinni Hæðargarði 31, 105 Reykjavík – Umsjón: Ásdís Skúladóttir

Sigrún Magnúsdóttir ráðherra fjallar um Rannveigu Þorsteinsdóttur, lögfræðing og alþingismann

Rannveig Þorsteinsdóttir fæddist á Sléttu í Mjóafirði. Foreldrar hennar voru: Þorsteinn Sigurðsson sjómaður f. 4. sept. 1870, d. 6. júní 1910 sjómaður þar og Ragnhildur Hansdóttir húsmóðir f. 7. feb. 1877, d. 8. apríl 1967. Rannveig lauk Samvinnuskólaprófi 1924, stúdentsprófi frá MR 1946 lögfræðiprófi frá HÍ 1949. Hdl. 1952. Hrl. 1959. Hún vann m.a. sem afgreiðslumaður á Tímanum 1925 -1933 og bréfritari við Tóbakseinkasöluna 1934 – 1946. Á árunum 1949 til 1974 rak hún málfutningsstofu í Reykjavík og var dómari í Verðlagsdómi Reykjavíkur 1950 – 1974. Hún sat í stjórn Kvenfélagasambands Íslands 1947–1963, formaður frá 1959, var formaður Félags íslenskra háskólakvenna og Kvenstúdentafélags Íslands 1949–1957, sat í útvarpsráði 1953–1956 og 1959, var í happdrættisráði Háskóla Íslands 1951–1977. Í yfirskattanefnd Reykjavíkur 1957–1963. Einnig var hún varafulltrúi á þingi Evrópuráðsins 1951–1965 og sat oft þing þess. Hún varð þingmaður Reykvíkinga á Alþingi 1949 – 1953 fyrir Framsóknarflokkinn. Var 1. varaforseti efri deildar 1949 -1950 og 2. varaforseti sameinaðs þings 1950-1953.

  • Þriðjudaginn 23.febrúar kl. 17:00 ræðir Margrét Sveinbjörnsdóttir menningarmiðlari um Kristínu L. Sigurðardóttur, húsmóður og alþingismann.

                                                 Allir velkomnir!   Aðgangseyrir kr. 500                        

                                  U3A – Reykjavík

Ritstjórn febrúar 8, 2016 11:57