Nína Sæmundsson myndhöggvari – Sýning í Listasafni Íslands

  • „Rökkur“ eftir nínu sæmundsson

NÍNA SÆMUNDSSON – LISTIN Á HVÖRFUM

  • 6.11.2015 – 17.1.2016, Listasafn Íslands

Nína Sæmundsson (1892–1965) var fyrsta íslenska konan sem gerði höggmyndalist að ævistarfi. Hún fæddist inn í bændasamfélag 19. aldar þar sem fáar konur í alþýðustétt fengu tækifæri til að ráða lífi sínu og láta draumana rætast en upphafið að ferli hennar varð ævintýri líkast. Á þriðja áratug síðustu aldar bjó hún í helstu listamiðstöðvum hins vestræna heims, í Róm, París og New York en saga hennar er öðrum þræði saga mikilla sigra, en um leið harmrænna örlaga sem höfðu mikil áhrif á líf hennar. Nína bjó frá upphafi yfir miklum viljastyrk og brennandi áhuga á listum og þróaði sinn klassíska stíl, sem hún var trú lengi framan af ferlinum, en þar sameinar hún hið stórbrotna og hið innilega. Hin uppreista manneskja varð eitt af helstu þemum hennar, ásamt andlitsmyndum, sem hún gerði að sérgrein sinni.

Sýningarstjóri er Hrafnhildur Schram.


nína s.

Samhliða sýningunni kemur út stórglæsileg og áhrifamikil bók Hrafnhildar Schram um Nínu, feril hennar og ótrúlega viðburðaríka ævi. Útgefandi er Crymogea og verður bókin til sölu í Safnbúð Listasafns Íslands.

 

 

 

 

Ritstjórn desember 10, 2015 14:43