Helstu ranghugmyndir varðandi mataræði og fæðubótarefni – fyrirlestur hjá U3A

Fyrsti þriðjudagsviðburður U3A á nýju ári verður þriðjudaginn 15. janúar kl. 16:30 í Hæðargarði 31

Gréta Jakobsdóttir Ph.D. flytur erindi sem hún kallar

Matur og mýtur

Hún fjallar um helstu ranghugmyndir varðandi mataræði og fæðubótarefni. Meðal annars verður farið yfir hvort við þurfum að fasta eða drekka eplaedik? Skiptir líkamsþyngdin öllu máli og er nauðsynlegt að vera sykurlaus?

Gréta starfar m.a. sem næringarfræðingur í Heilsuborg. Hún hefur sérhæft sig í meðferð einstaklinga í mikilli yfirþyngd og offitu og veitir ráðgjöf og meðferð á því sviði, einnig fyrir einstaklinga sem hafa eða munu undirgangast magaerma- eða magahjáveituaðgerðir. Gréta leggur áherslu á að fólk geti átt heilbrigt samband við mat og næringu, þar sem margir eru ansi týndir í þessum efnum. Hún aðhyllist næringarmeðferðir án allra öfga og vill helst ekki sjá bannlista.

Gréta lauk meistaraprófi í næringar- og matvælafræði frá Háskólanum í Lundi í Svíþjóð 2008 og doktorsprófi í næringarfræði frá sama skóla 2013. Hún hefur sótt fjölmörg námskeið og ráðstefnur á sviði heilsu, næringar og offitu.

Allir velkomnir, skráning er nauðsynleg SKRÁ MIG HÉR.

Aðgangur kr. 500 sem greiða þarf með reiðufé við innganginn.

Ritstjórn janúar 9, 2019 16:19