Í birtu daganna

Málverk og teikningar Ásgríms Jónssonar

Verk Ásgríms Jónssonar (1876-1958) spanna langt tímabil í sögu þjóðarinnar. Tíma sjálfstæðisbaráttu og átakatíma þegar sveitasamfélagið er að leysast upp og Reykjavík að verða borgarsamfélag. Túlkun þess séða og óséða, landslag og sagnaarfur var hans meginviðfangsefni í gegnum allan ferilinn sem spannar fyrri hluta tuttugustu aldar. Málverk hans og teikningar endurspegla einlæga ást til lands og þjóðar. Val verkanna á sýningunni endurspeglar breiddina í viðfangsefnum listamannsins. Nánar

Sýningin er á heimili og vinnustofu listamannsins við Bergstaðastræti 74. Opnunartími fram til 15. maí er á sunnudögum frá kl. 14:00–17:00, eftir miðjan maí er verður sýningin líka opin á þriðjudögum og fimmtudögum á sama tíma.  Hægt er að bóka leiðsögn samkvæmt samkomulagi í síma 515 9600 og 515 9625.  Aðgangseyrir er 1000 krónur,  500 krónur fyrir 67 ára og eldri.

Ritstjórn maí 11, 2015 11:05