Kvæðakvöld á Café Rósenberg

Þriðjudagskvöldið 17. janúar stendur Kvæðamannafélagið Iðunn fyrir skemmtidagskrá á Café Rósenberg  þar sem fram kemur úrvals kvæðafólk, þau: Ása Ketilsdóttir, Bára Grímsdóttir, Rósa Jóhannesdóttir, Ingimar Halldórsson, Þuríður Guðmundsdóttir, Ólína Þorvarðardóttir og Rósa Þorsteinsdóttir og munu þau kveða nýtt og eldra efni.

Auk þess verða flutt gamanmál í bundnu og óbundnu máli og hlutavelta verður haldin með mörgum góðum vinningum. Sumt af efninu er eftir þekkta hagyrðinga Iðunnar, eins og Helga Zimsen og Sigrúnu Haraldsdóttur. Hin landsþekkta kvæðakona Ása Ketilsdóttir ætlar meðal annars að flytja efni eftir Látra-Björgu.
Ragnar Ingi Aðalsteinsson verður kynnir.

Aðgangur 1.500 kr.

Athugið að enginn posi verður á staðnum, einungis hægt að greiða með reiðufé. Allur ágóði rennur í ferðasjóð Iðunnarfélaga sem fara á landsmót kvæðamanna sem verður haldið á Siglufirði 21. – 23. apríl 2017

Ritstjórn janúar 16, 2017 13:07