Kvennaráð í Hannesarholti leiklestur

Kvennaráð (áður Erfðagóssið) eftir Sellu Páls verður leiklesið í Hannesarholti fimmtudaginn 22. febrúar kl. 20 og 25. februar kl. 16, 2018. Sveinn Einarsson leikstýrir en hann hefur leikstýrt yfir 100 leiksýningum heima og erlendis.
Leikritið Kvennaráð fjallar um Þorgerði, áttræða ekkju sem var stoð og stytta áhrifamikils manns í fimmtíu ár og nú vill hún breyta til. Samband hennar við einkadótturina, forstjórann Birnu, er þvingað vegna tengdasonarins sem ekkjan grunar um græsku. Er ekkjan fer að taka á eigin málum bregst Birna illa við og ásakar hina víetnömsku heimilishjálp Kim um samsæri. En þegar Birna þarf a glíma við örðugar aðstæður koma móðir hennar og Kim henni á óvart.

Í leikverkinu er leitast við að glíma við nútíma spurningar sem þessar:

  • Á ekkja rétt á að ráðstafa öllum eignum í óskiptu búi án samráðs við erfingja?
  • Nýtur kona sem stjórnar fyrirtæki sömu réttinda og karlmaður í álíka stöðu?
  • Verjum við siðlausa hegðun maka vegna eigin hagsmuna?
  • Eru fordómar gagnvart nýbúum ríkjandi í þjóðfélaginu þrátt fyrir þýðingarmikið framlag þeirra?

Leikstjóri: Sveinn Einarsson
Höfundur: Sella Páls
Leikarar: Þórunn Magnea Magnúsdóttir, Guðrún Þórðardóttir og Lieu Thuy Ngo
Búninga og sviðshönnuður: Helga Björnsson

Ritstjórn febrúar 22, 2018 10:46