Síðan skein sól – aukatónleikar í Bæjarbíói á sumardaginn fyrsta

 AUKATÓNLEIKAR SUMARDAGINN FYRSTA 19. APRÍL!

Hljómsveitin Síðan skein sól er greinlega afar vinsæl í Hafnarfirði því selst hefur upp á tvenna tónleika þeirra í Bæjarbíói í mars. Því hefur verið bætt við tónleikum á sumardaginn fyrsta.

Sólin var sú hljómsveit sem byrjaði snemma að tileinka sér þetta form á framkomu og fóru þó nokkrar tónleikaferðir þar sem einungis var leikið unplugged og verður nándin og tilfinningin oft hlýrri og persónulegri.

Lög sem fá ekki að heyrast eins oft þegar rokkið er allsráðandi, en fá að blómstra unplugged, lög eins og Ég stend á skýi, Kartöflur, Svo marga daga, Úlfurinn, til að nefna nokkur og einnig er gaman að heyra önnur rokkaðri lög í nettari útsetningum, Geta pabbar, Síðan hittumst við, Nostalgía o.s.fr

Þetta er í fyrsta sinn sem Sólin spilar í Bæjarbíó og er tilhlökkun mikil meðal hljómsveitarmeðlima, þar sem húsið er einmitt þekkt fyrir hlýlega og persónlega nærveru.

Ritstjórn apríl 13, 2018 14:56