Utøya 22. júlí sýnd í Bíó Paradís um helgina

72 MÍNÚTUR SEM SKÓKU HEIMINN

Þann 22. júlí 2011 voru meira en 500 ungmenni í pólítískum sumarbúðum á eyju fyrir utan Osló þegar vopnaður hægrisinnaður öfgamaður réðst á þau. Fyrr þennan sama dag hafði hann sprengt bílsprengju við ríkisbyggingu í Osló áður en hann hélt ferð sinni til eyjunnar Utøya þar sem hann opnaði fyrir skothríð á eyjagestina.

Í þessari fyrstu mynd sem gerð er um árásína og þennan örlagaríka dag þá kynnumst við hinni 18 ára Kaja og vinum hennar, en myndin er skáldskapur sem byggist á hinum raunverulegu atburðum. Myndin hefst þegar unga fólkið í sjokki yfir sprengjunni í Osló er að fullvissa fjölskyldur sínar um að þau sjálf séu óralangt frá sprengjuárásinni. Allt í einu brestur þetta örugga andrúmsloft í mola þegar byssuskot heyrast. Við fylgjumst svo með Kaja þegar hún berst fyrir lífi sínu – mínútu fyrir mínútu.

Ritstjórn september 14, 2018 15:59