Mannbroddar eru ómissandi aukahlutur sem allir þurfa að eiga í fórum sínum. Þeir hafa sannað gildi sitt margfalt í færðinni undanfarið en hálkuslysum hefur fjölgað svo mikið að bið á slysavarðstofum hefur verið óbærileg fyrir slasaða. Í mörgum tilfellum hefðu mannbroddar komið í veg fyrir beinbrot en þeir koma ekki að gagni heima í skúffu eða í versluninni þegar bregða á þeim undir.
Aðgerðin sjálf, þ.e. að setja mannbroddana undir skóna er sérlega einföld og í raun óafsakanlegt að nenna ekki að hafa fyrir því að setja þá undir. Þetta eru broddar úr stáli sem festir eru neðan á skóna til að ná betra gripi í hálku og snjó. Við, sem búum við veðurfar eins og er á Íslandi, eigum að sjá sóma okkar í að fjárfesta í þessum nauðsynlega aukahlut. Mjög góðir broddar kosta frá 2.990 krónum og fast mjög víða. Mælt er með að grip mannbrodda sé 10 punkta til að gripið sé sem mest.
Sölustaðir fyrir mannbrodda eru til dæmis:
Dynjandi
Húsasmiðjan
Everest
Fjallakofinn
Skóarinn í Kringlunni og Smáralind
Ellingsen
ja.is
