Sumarið er farið að minna á sig og þá líður að því að grilláhöldin verði dregin fram. En áður en það gerist er ekki úr vegi að draga fram nokkrar góðar fiskisúpuuppskriftir og hér er ein:
Fiskisúpa með tómatbragði
1 stór laukur, saxaður
1 gulrót, gróft rifin eða söxuð
msk. smjör
2 msk tómatmauk
2 msk. ungversk paprika
1 tsk. chili
8 dl fiskisoð, vatn og teningur eða soð af beinum
2 tímatar, saxaðir
1 tsk. hunang
2 dl sýrður rjómi
1 msk. kartöflumjöl
600-700 g fiskur, skorinn í bita, má vera hvaða fiskur sem er en lax eða þorskhnakkar eru tilvalinn kostur
3 msk. sýrður rjómi
Steikið lauk og gulrót í smjöri þar til laukurinn er orðinn mjúkur. Bætið tómatmaukinu, papriku og chili útí og steikið í 2 mínútur til viðbótar. Bætið fiskisoði út í ásamt tómötum og hunangi og sjóðið áfram í 15 mínútur. Hrærið sýrðum rjóma og kartöflumjöli saman við. Hitið vel, bætið fiskbitum út í og sjóðið áfram í 3-4 mínútur. Berið sýrðan rjóma fram með og fólk getur bæt í ef vill. Mjög gott er að bjóða langt súrdeigsbrauð með þessari súpu.
