Þetta salat gengur bæði með kalkúnakjöti eða villibráð og er óskaplega fallegt á jólaborðinu. Ekki skemmir að dreifa ristuðum pecan hnetum yfir áður en salatið er borið fram.
2 niðursoðnar ferskjur, skornar í sneiðar
500-700 g bland salat (mörgum þykir gott að hafa meirihlutann klettakál)
1/2 til 1 bolli af parmesan osti, sneiddur niður í þunnar sneiðar
Blandið ferskjunum og salatinu saman í skál. Hellið salatsósunni yfir og skreytið með ostinum
Salatsósa:
1 skalotlaukur, fínt saxaður
3 msk. kampavínsedik
1 1/2 tsk. hunang
1 dl jómfrúaroilía
salt og svartur pipar eftir smekk
Þeytið öllu saman og hellið yfir salatið.
