Bókameistarar er heiti á nýjum leshring fyrir þau sem langar að lesa skemmtilegar og djúpar heimsbókmenntir sem mótað hafa heilu samfélögin – og hljóma gáfulega í leiðinni!
Bókameistarar koma saman í Borgarbókasafninu Grófinni alla miðvikudaga milli 17:00 og 18:00, frá 26. mars – 28. maí.
Hópurinn hentar bæði lengra komnum og þeim sem hefur lengi langað að byrja að lesa en vita ekki hvar þau eiga að byrja.
Lesnar verða klassískar bækur eftir erlenda og íslenska höfunda. Ungt fólk er sérstaklega velkomið og eina skilyrðið fyrir val á bók er að hún má ekki vera leiðinleg.
Ísak Gabríel Regal hefur umsjón með leshringnum.
Ekki þarf að skrá sig til þátttöku, bara mæta!
Sjá upplýsingar á vefsíðu:
Fyrir þau sem langar að stofna eigin leshring á Borgarbókasafninu
Hvetjum þau sem vilja stofna eigin leshring eða spjallhóp en vantar stað til að hittast á, að hafa samband við Borgarbókasafnið sem hýsir alls konar hópa sem vilja koma saman á söfnunum.
