Laxveiðimenn hafa nú borið matinn heim í hús í mismiklum mæli en þá er gott að geta gripið til góðra uppskrifta. Laxinn er jú eitt af því hollasta sem við getum látið ofan í okkur, í svokallaða ofurfæðisflokknum. Hér er ein ómótstæðileg aðferð við að gera þetta lostæti að mesta veislumat. Verði ykkur að góðu.
Kryddlögur:
2 msk. hunang
1 msk dijon sinnep
2 msk. sojasósa
salt og pipar
1 kg lax, roð og beinlaus, skorinn í fallega bita
Blandið kryddleginum saman og hellt yfir laxinn. Allt geymt í kæli í eina klukkustund. Strjúkið það mesta af laxinum og grillið á vel heitu grilli í 1-2 mínútur, báðum megin. Berið t.d. fram með grilluðum vorlauk, bökuðum kartöflum og jarðarberjamauki.
Jarðarberjamauk:
2 dl. jarðarber, skorin í bita
1/2 rauðlaukur, smátt saxaður
1 tsk. tímían
2 msk. balsamedik
pipar og salt eftir smekk
Allt sett í skál og blandað vel saman og látið vera í ísskáp í minnst klst. áður en maukið er borið fram.
