Þegar grillað er á útigrilli er tilvalið að hafa meðætið úr hráefni sem líka er hægt að grilla. Hér er ein skotheld hugmynd:
2 paprikur, fræhreinsaðar og skornar til helminga.
Fylling:
1 dl fetaostur í kryddolíu, grófsaxaður
2-3 dl grilluð paprika, t.d. frá Jamie Oliver, skorin í strimla
1 msk. steinselja, söxuð
1-2 hvítlauksrif, söxuð
Penslið paprikuhelmingana með olíu og grillið báðum megin í 4-5 mín. Takið af grillinu og setjið fyllinguna í. Setjið aftur á grillið og lokið því og bakið þar til osturinn er farinn að mýkjast. Einnig má baka paprikuna í ofni við 200°C í 5-7 mín. eða þar til osturinn fer að mýkjast.
