Tæplega 550 einstaklingar með háskólamenntun 40 ára og eldri voru á skráðir atvinnulausir hjá Vinnumálastofnun í janúar þar af eru 247, 50 ára og eldri. Á atvinnuleysisskrá hjá stofnuninni eru tæplega 1150 manns með háskólamenntun og er það rúmlega fjórðungur allra atvinnulausra. Atvinnulausir með háskólamenntun eru fleiri en atvinnulausir með stúdentspróf.
![](https://lifdununa.is/wp-content/uploads/2018/02/3f3fc20ab0-296x147_o.jpg)
(heimild Vinnumálastofnun)
Vinnumálastofnun hefur nú sent ákall til sveitarfélaga og ríkisstofnana um að ráða háskólamenntaða af atvinnuleysisskrá til starfa í sumar. Fjölmennasti hópur háskólamenntaðra eru viðskiptafræðingar eða 150, 54 lögfræðingar eru á skránni, 33 kennarar og 18 verk- og tæknifræðingar og 13 sem er félagsfræðimenntun, 876 eru með aðra háskólamenntun. Vinnumálastofnun segir að möguleikar séu á því að að með hverjum sem ráðinn væri fylgdi starfsþjálfunarstyrkur sem næmi annað hvort fullum eða hálfum atvinnuleysisbótum í allt að sex mánuði eða styttra ef ráðningartíminn væri styttri. Fullar bætur eru nú rúmar 227 þúsund krónur á mánuði. Vinnumálastofnun segir að æskilegast væri að störfin sem í boði væru féllu sem best að menntun þeirra og reynslu sem ráðnir væru og í ráðningunni fælist þjálfun sem gæti nýst fólki í næstu skrefum út á vinnumarkaðinn.