Spennandi tónleikar í Hannesarholti

Píanóleikarinn Erna Vala leikur verk eftir Jórunni Viðar, Johannes Brahms og Béla Bartók á Steinway flygil Hannesarholts fimmtudaginn 21. nóvember kl. 20.

Erna Vala hefur komið fram víða í Evrópu og Bandaríkjunum og hefur unnið til verðlauna fyrir leik sinn. Þar á meðal má nefna heiðursorðuna Hvítu rósina frá forseta Finnlands, Sauli Niinistö, fyrstu verðlaun í efsta flokki EPTA- píanókeppninnar á Íslandi og Unga einleikara. Erna Vala hefur komið fram sem einleikari með hljómsveitum og spilað á einleiks- og kammertónleikum í tengslum við ýmsar tónleikaraðir og tónlistarhátíðir. Erna Vala lauk bakkalárgráðu og diplómu í píanóleik frá Listaháskóla Íslands og lærði hjá Peter Máté árin 2016 og 2017. Erna Vala er útskrifaðist með meistaragráðu í píanóleik frá Sibelíusarakademíunni árið 2019 undir handleiðslu Hömsu Juris. Auk þess hlaut hún meistaragráðu í hljóðfærakennslu frá Listaháskóla Íslands árið 2023 þar sem hún gengdi einnig stöðu forseta Stúdentaráðs LHÍ og forseta nemendafélags tónlistardeildar LHÍ.

Hún hefur nú aðsetur í London og vinnur að doktorsgráðu í Performance Research við Royal Academy of Music. Rannsókn hennar lýtur að því hvernig mynda má nánara samband tónlistarflytjenda og áhorfenda út frá sjónarhorni tónlistarflytjanda. Hún nýtir eigin reynslu sem flytjandi og byggir á endurgjöf áhorfenda. Hún er stofnandi og listrænn stjórnandi tónlistarhátíðarinnar Seiglu en hátíðin er vettvangur rannsóknarinnar. Erna Vala er einnig ötull talsmaður þess að hlúa að jákvæðum samfélögum og hún starfar sem stofnandi og forseti Íslenska Schumann-félagsins en það hefur tileinkað sér það markmið að styðja við heilbrigt og virkt tónlistarlíf á Íslandi.

Tónleikarnir á fimmtudaginn varpa ljósi á heimatilfinninguna. Sortnar þú ský eftir Jórunni Viðar hefur ekki enn verið gefið út, en þetta verður í fyrsta sinn sem verkið verður leikið á opinberum tónleikum, einnig verða spiluð 8 Klavierstücke eftir Jóhannes Brahms, Tilbrigði um íslenskt þjóðlag eftir Jórunni Viðar og Tveir rúmenskir dansar eftir Béla Bartok.