Þessi uppskrift á uppuna sinn í Seattle þar sem mikil hefð er fyrir lax og aðra sjávarrétti. Veitingahús bjóða gjarnan upp á lax og fastagestur á einu slíku fékk þessa uppskrift hjá veitingamanninum sem var svo örlátur að deila henni. Og nú geta fleiri prófað. Verið ykkur að góðu.
Uppskrift fyrir fjóra til fimm
600 – 800g laxaflök með roði
2 tsk. Maldon salt
2 tsk. svartur nýmalaður pipar
2 tsk. estragon
Kryddinu blandað saman og stráð yfir laxaflakið. Aukið magnið af kryddinu ef vill. Fiskinum er svo pakkað þétt inn í álpappír og bakaður í ofni við 200°C í u.þ.b. 20 mínútur. Ef flakið er lítið er tíminn styttur, t.d. í 15 mínútur.
Meðlæti:
Tagliatelle pasta, soðið eftir leiðberiningum á pakka, vatnið sigtað frá
1 krukka af grænu pestói, t.d. frá Sóma, og því hrært saman við pastað.
Salat:
Salatblöð skorin gróft í hluta
1 stór pera, vel þroskuð
1 poki valhnetur, ristaðar
100 g gráðaostur, rifinn (fæst tilbúinn í Hagkaup)
Skerið perurnar og valhneturnar í hæfilega bita og blandið saman við salatið. Blandið gráðaostinum saman við salatið 10 mínútum áður en það er borið fram.
Perurnar og valhneturnar eru skornar niður í mátulega stóra bita og settar út í salatið. Gráðostinum er blandað saman við salatið ca. 10-15 mínútur áður en það er borið fram. Margir nota ostinn í stað salat sósu en líka má stappa ostinn saman við sýrðan rjóma og er þá komin mjög góð salatsósa ef fólk vill.
