Tannlæknastofa Kreativ Dental.
„Það er hægt að spara háar upphæðir ef fólk fer til Kreativ Dental í Búdapest til að láta gera við tennurnar í sér,“ segir Grímur Axelsson umboðsmaður fyrirtækisins á Íslandi. Hann segir að þeir sem leita til Kreativ Dental séu að fá tannviðgerðir á 50 til 70 prósent lægra verði en hér á landi. Tannlæknastofan sérhæfir sig í tannplöntum, postulínskrónum, brúm, uppbyggingu á kjálkabeini, kinnholulyftingum, tannholdsaðgerðum og tölvusneiðmyndum af tönnum og munnholi.
Margt fólk veigrar sér við að leita til tannlækna vegna mikils kostnaðar. Samkvæmt upplýsingum frá Tannlæknafélagi Íslands og Morgunblaðið greindi nýlega frá, fór um helmingur fólks 67 ára og eldra til tannlæknis á síðasta ári. Sjúkratryggingar Íslands eiga að endurgreiða um þrjá fjórðu hluta tannlæknakostnaðar lífeyrisþega en endurgreiðslan er í raun miklu lægri því miðað er við gjaldskrá frá árinu 2004. Endurgreiðslan nemur því í raun ekki nema um þriðjungi af kostnaði.
Grímur fór í framhaldsnám í alþjóðahagfræði í Búdapest fyrir nokkrum árum og það vakti athygli hans hversu framarlega Ungverjar eru á sviði tannlækninga og læknavísinda. „Ungverjar mennta lækna fyrir flestar þjóðir Norður-Evrópu þar á meðal fyrir Íslendinga. Hér eru margir að heiman í námi bæði í lækningum og tannlækningum. Ég fór að kynna mér þessi mál og komst að því að Kreativ Dental tannlæknastofan hafði verið gæðavottuð með ISO9001 gæðavottunarstaðlinum einnig hafði hún verið valin besta tannlæknastofan í Evrópu og önnur besta tannlæknastofan í heiminum af International Medical Travel Journal árið 2015(IMTJ). Mig langaði að bjóða fólki að koma hingað og fá vandaðar en ódýrar tannviðgerðir. Ég hafði samband við Kreativ Dental og okkar samstarf hófst,“ segir Grímur og leggur áherslu á að hann sé ekki bara að bjóða upp á einhverja tannlæknastofu af því hún sé ódýr. Hann sé að bjóða fólki að koma á tannlæknastofu sem sé í fararbroddi hvað varðar tækni og fagmennsku. Ein af grunnstoðum starfseminnar er tannsmíðaverkstæðið sem er innanhúss og er Vita master vottað. Vita er alþjóðlegt leiðandi fyrirtæki í tannlæknapostulíni.
Sú aðstoð sem Grímur veitir fólki er víðtæk. Allt frá því að hjálpa fólki að panta flug, sjá til þess að það sé tekið á móti því á flugvellinum við komu og því ekið á hótel sem búið er að bóka fyrirfram og aka því frá hótelinu að tannlæknastofunni og til baka aftur. „Við erum með samninga við góð þriggja og fjögurra stjörnu hótel sem eru í nágrenni tannlæknastofunnar. Frá hótelunum er líka stutt niður í miðbæ og í nokkrar stórar verslunarmiðstöðvar svo fólk getur haft ýmislegt skemmtilegt fyrir stafni á meðan það dvelur í Búdapest.“
Í fyrsta tíma á tannlæknastofunni er farið í nákvæma skoðun, gert meðferðarplan, farið yfir hvað þarf að gera, hvaða val fólk hefur og gerð kostnaðar- og tímaáætlun. Fólk borgar ekkert fyrir þennan fyrsta tíma. Í framhaldinu getur það ákveðið hvort það hefur meðferð strax eða kemur til baka að einhverjum tíma liðnum. Grímur segir að fólk hafi sex mánuði til að ákveða hvort það hefji meðferð. Ef lengri tími líði þurfi yfirleitt að gera nýja áætlun.
Magir setja tungumálið fyrir sig. Grímur segir að það sé óþarfi. „Það eru starfandi túlkar á tannlæknastofunni og þeir túlka fyrir þá sem þess þurfa, hvort sem fólk vill fá túlkað yfir á ensku, dönsku, sænsku, þýsku, ítölsku eða finnsku. En taka má fram að allt starsfólkið talar ensku. Ef fólk á í vandræðum með að skilja eitthvað af þessum tungumálum sé ég til þess að fólk fái aðstoð á íslensku. Það á enginn að fara frá okkur með einhverjar spurningar sem hann hefur ekki fengið svör við. Við leggjum mikinn metnað í að upplýsa fólk eins vel og kostur er. Kostnaðaráætlunin sem er gerð er líka nákvæm. Við viljum ekki að fólk fái í bakið einhvern aukakostnað sem það á ekki von á,“ segir Grímur.
Fjöldi Norðurlandabúa leitar til Ungverjalands til að fá tannlækningar sem dæmi má nefna að á milli 100 og 200 Norðmenn koma í viku hverri á stofuna hjá Kreativ Dental. Íslendingum sem leita þangað fer fjölgandi. Síðustu mánuði hefur Grímur að meðaltali tekið á móti 3 til 5 Íslendingum á viku sem eru að koma til meðferðar. „Allir sem ég hef tekið á móti eru mjög ánægðir með þjónustuna sem hér er veitt. Enginn þeirra sem hefur komið í forskoðun hefur hætt við. Sumir hafa byrjað í meðferð strax en aðrir hafa farið heim, hugsað ráð sitt og komið aftur. Ég kann margar sögur af fólki sem er einstaklega glatt og þakklátt fyrir það sem við höfum gert fyrir það og það er það sem gerir minn hlut sem umboðsmaður Kreativ Dental svo gefandi“ segir Grímur.
Kreativ Dental er með heimasíðu á netinu, sjá hér.
http://kreativdentalclinic.eu/is
Þar er hægt að fá upplýsingar um allt er lítur að tannlæknastofunni, verð, ábyrgðir á viðgerðum og svo farmvegis. Því má svo bæta við að beint flug er á milli Búdapest og Keflavíkur og
Wizzair er með beint flug tvisvar í viku til Búdapest sjá hér:
https://wizzair.com/en-gb/information-and-services/destinations/timetable#/
