Nú þegar flestir eru önnum kafnir við jólaundirbúninginn og mikil matargerð stendur fyrir dyrum á mörgum heimilum, þar sem kjöt er iðulega í öndvegi, er ekki úr vegi að létta sér lífið og kaupa holla og góða fiskisúpu sem fæst tilbúin í Fylgifiskum eða elda sína eigin. Grunnurinn að þessari súpu er svo bragðgóður að alveg er óhætt að mæla með því að hafa þessa súpu sem forrétt í jólaboði og kaupa ferskan fisk skömmu áður en nota á grunninn.
1 dós kókosmjólk
2 dl vatn
2 msk. grænmetiskraftur
sæt chili sósa (eftir smekk)
1 msk. gult karrýmauk eða sinnep
1 msk. tom yum, fiskisósa
ferskur rifinn kóríander
Það bætir súpugrunninn enn frekar að nota ferskt grænmeti sem til er í ísskápnum út í t.d. saxa lauk og hvítlauk og steikja svolitla stund í smjöri, sellerí, gulrætur og paprika eru líka góð viðbót. Grænmetið er það svitað stutta stund í smjöri áður en kókosmjólkinni, vatninu og öðrum hráefnum í grunninn er bætt út í. Látið suðuna koma upp, smakkið til og bætið fisknum út í að lokum og látið hann eldast í heitri súpunni.
