Frittata er ítalska og orðið er dregið af orðinu friggere sem þýðir steiktur. Rétturinn svipar til ýmissa annarra eggjarétt, helst opinnar og nokkur atriði ber að hafa í huga við gerð frittata:
Blanda skal grænmetinu saman við eggin sem hafa verið hrærð vel með þeytara. Blandan er elduð yfir lágum hita í 15 mínútur eða þar til botninn er orðinn stífur en miðjan enn blaut. Í lokin er hitinn hækkaður vel eða pannan sett undir grillið í ofninum þar til eggjablandan hefur brúnast svolítið. Þessi baka er með mikið af sveppum en bæta má alls konar grænmeti saman við ef vill.
400 g sveppir
2 msk. olía
nýmalaður pipar
salt
8 egg
100 g rifinn ostur
hnefafylli af spínati.
Grófsaxið sveppina og látið þá krauma í olíu á pönnu ið vægan hita í um 10 mínútur. Kryddið með salti og pipar. Brjótið eggin í skál og kryddið með salti og pipar. Takið svolítið af ostinum og sveppunum frá til að setja yfir í lokin. Látið olíu á pönnu og hitið á lægstu stillingu. Látið spínatið þar í og svo sveppa- og eggjablönduna yfir. Látið eggjablönduna vera óhreyfða á pönnunni þar til hún verður næstum stíf. Hitið á meðan grillið í ofninum og dreifið sveppunum og ostinum, sem tekið var frá, yfir og látið undir grilliið þar til osturinn hefur bráðnað. Berið fram strax með góðu brauði og salati.
