„Undrakremin sem ég hef keypt dýrum dómum í gegnum tíðina og hafa átt að láta mig líta betur út hafa ekki virkað. Ég hef orðið fyrir vonbrigðum með þau öll,“ segir Linda Gunnarsdóttir. Henni eins og mörgum konum sem komnar eru á miðjan aldur fannst húðin í andlitinu vera farin að láta á sjá, línurnar að dýpka og húðin að slappast. „Ég pantaði viðtalstíma hjá hjúkrunarfræðingi á Húðmeferðarstofunni Húðfegrun til að fá ráðleggingu um hvað væri best að gera. Mér fannst traustvekjandi að ræða það við hjúkrunarfræðing. Mér var ráðlagt að byrja á húðslípun til að hreinsa burt óhreinindi í húðinni, þétta hana, mýkja línurnar og grynnka svitaholur“, segir Linda.
Bryndís Alma Gunnarsdóttir
Fallegri húð með húðslípun
Húðmeðferðarstofan Húðfegrun er með sérstaka meðferð, svokallaða húðslípun fyrir fólk sem vill losna við stíflur, óhreinindi, húðfitu sem föst er í svitaholum, grynnka á fínum línum og hrukkum í andlitinu eða einfaldlega bara fríska uppá húðina. Það er raunar fólk á öllum aldri sem fer í þessa meðferð sem Húðfegrun hefur boðið uppá í þau fimmtán ár sem stofan hefur starfað. Allt frá unglingum upp í eldri konur og karla. „Margir koma frá einu sinni og upp í fjórum sinnum á ári til að viðhalda húðinni sinni. Til að fríska upp á þreytta húð næst góður árangur eftir eitt skipti en til að vinna á óhreinindum eða öðrum vandamálum mæli ég með að teknar séu þrjá til sex meðferðir til að ná sem bestum árangri.“, segir Bryndís Alma Gunnarsdóttir eigandi stofunnar.
Náttúrulegir kristallar og demantar
Húðslípun er framkvæmd af hjúkrunarfræðingi og er meðferðin gerð þannig að ysta lag húðarinnar á andliti og hálsi er slípað með örsmáum kristöllum og óhreinindin hreinsuð burt. Því næst er farið aftur yfir húðina með demöntum sem gefur fínni slípun. „Mér fannst húðin strax verða hreinni, þéttari og fallegri ásamt því að línurnar urðu mýkri,“ segir Linda. Hún segir að sér hafi líka fundist húðin verða móttækilegri fyrir kremum en áður, þau hafi farið inn í húðina í stað þess að liggja ofan á henni. Bryndís Alma segir að lagt sé upp úr því að meðferðir á stofunni séu sem náttúrulegastar. „Kristallarnir og demantarnir sem eru notaðir eru þannig að það mætti borða þá“, segir hún.
Húðslípun vinsæl
Húðslípun er meðferð sem hefur verið vinsæl hjá Húðfegrun í mörg ár og fólk sér árangur af meðferðinni. „Ef meðferðirnar hjá okkur væru ekki svona vinsælar og að skiluðu fólki ekki svona góðum árangri væri stofan varla búin að vera starfandi í fimmtán ár“, bætir Bryndís Alma við. Húðfegrun býður upp á margskonar meðferðir fyrir húðina. “Húðslíun meðferð sem flestir ættu að hafa tök á að geta leyft sér, en húðslípun á andliti og hálsi kostar 15.000 kr. segir Bryndís Alma.
