Deig:
150 g hveiti
70 g smjör, lint
1 egg
Blandið hveiti og smjöri vel saman, hægt að gera í höndunum en enn þægilegra í matvinnsluvél. Látið eggið síðan út í og hrærið þar til deigið hleypur saman í kúlu. Fletjið deigið út og klæðið bökuform að innan með því, Smyrjið formið fyrst. Forbakið bökubotninn í 10 mínútur við 170°C áður en fyllingin er sett í hann.
Fylling:
7-8 epli
3 msk. sítrónusafi
50 g malaðar möndlur
150 g sykur
2 tsk. kanill
100 g ristaðar furuhnetur
60 g smjör, brætt
Afhýðið eplin, sneiðið helminginn þunnt og raðið sneiðunum á deigbotninn. Kreistið sítrónusafann yfir. Blandið saman möndlum. sykri og kanil. Stráið helmingi möndlublöndunnar og helmingnum af furuhnetunum ofan á. Skerið því næst hinn helminginn af eplunum í báta og raðið ofan á. Stráið því sem eftir er af sykurblöndunni og hnetunum yfir og dreypið smjörinu yfir í lokin.
Bakið við 170°C í um 35 mínútur eða þar til eplin eru orðin meyr. Berið fram með þeyttum rjóma eða vanulluís.
