Rétturinn sem öllum líkar
600 g góður fiskur, má vera hvaða hvítur fiskur sem er, t.d. þorskur, ýsa eða langa
1 laukur
2 hvítlauksrif
3 gulrætur
olía til steikingar
1 dós kirsuberjatómatar (400 g), bæta má ferskum tómötum við ef vill
1 dl matreiðslurjómi
2 msk. tómatpúrra
1 msk. Dijon sinnep
1 msk. hunang
1 msk. fersk, söxuð steinselja
1 tsk. chiliduft
salt og pipar
Skerið lauk og hvítlauk smátt og gulræturnar í sneiðar. Steikið lauk, hvítlauk og gulrætur í olíu á pönnu og bætið svo tómötum, sinnepi, hungangi, steinselju og matreiðslurjóma á pönnuna og látið malla í 10 mínútur. Skerið fiskinn í bita og bætið honum út í sósuna. Látið fiskinn sjóða í sósunni í 5-6 mínútur. Gott er að bera hrísgrjón og gott brauð fram með þessum rétti. Margir velja frekar kartöflur en hrísgrjón og þær fara líka vel með réttinum.
