Gljáður rauðlaukur er himneskur sem meðlæti, t.d. með lifrarkæfu eða með hamborgara. Hann fer líka mjög vel með fuglakjöti, nauta- eða svínasteik. En gæta verður þess að hitinn sé vægur en löng og hæg steiking er lykillinn að því að draga fam náttúrulega sætu lauksins.
800 g rauðlaukur
2 msk. olía
2 tsk. hunang
1 msk. balsam- eða rauðvínsedik
nýmalaður pipar
salt
Afhýðið laukana og skerið þá í tvennt og hvorn helming um sig í þunnar sneiðar. Velgið olíuna á pönnu og setjið laukinn í og látið krauma ivð vægan hita í u.þ.b. 10 mínútur, eða þar til hann er farinn að mýkjast. Hrærið þá hunangi, ediki, pipar og dálitlu salti saman við og látið krauma áfram við vægan hita í eina klúkkustund eða þar til laukurinn er orðinn dökkrauðbrúnn og gljáandi og hefur „karamelíserast“ en gætið þess að hann brenni alls akki. Hrærið öðru hverju í og berið hann síðan fram sem meðlæi
Munið að löng og hæg steiking er lykillin að því að draga fram náttúrulega sætu lauksins og gera hann að sælgæti.
