4 kjúklingabringur, skornar í 4 – 5 lengjur hver
Kryddlögur:
safi úr einni sítrónu
1 hvítlauksrif, pressað
2 msk. sojasósa
Blandið öllu saman og látið kjúklingalengjurnar í löginn. Látið bíða í ísskáp í 30 mín.
Satay sósa:
4 msk. hnetusmjör
1 msk. olía
1 1/2 dl tómatsósa
3 msk. worcestershire sósa
1 hvítlauksrif, marið
1/2 tsk. salt
Hitið olíuna í potti og látið hnetusmjörið út í. Látið krauma þar til blandan hefur dökknað svolítið og þykknað. Hrærið stöðugt í á meðan. Takið pottinn af hellunni og bætið tómatsósu, worcestershire sósu, hvítlauk og salti í sósuna og hrærið saman og geymið í 2 klst. Hitið sósuna þá varlega upp en gætið þess að hún sjóði ekki. Ef hún er of þykk má þynna hana með svolitlu vatni. Skiptið kjúklingalengjunum á fjóra grillpinna og grillið á meðalheitu grilli í 4-5 mínútur á hvorri hlið. Gott er að bera þetta fram með jöklasalati og grilluðu brauði ásamt satay sósunni.
