4 kjúklingabringur
4 msk. hunang
3 msk. Dijon sinnep
2 hvítlauksrif, marin
200 g aspars, meira ef vill
fjórar meðalstórar kartöflur, skornar í báta eða smælki fyrir fjóra skorin til helminga
Kryddlögur:
6 – 8 msk. ólífuolía
2 msk. chiliflögur
2 msk. madras karry
maldon salt og nýmalaður pipar
Setjið hluta kryddlagarins í skál til að velta kartöflunum upp úr að lokinni suðu. Skerið kjúklingabringurnar í tvennt eftir endilöngu og leggið í kryddlöginn og látið þær liggja í honum í klukkutíma. Með því að skera bringurnar í tvennt þarfnast þær styttri eldunartíma. Undirbúið meðlætið á meðan. Sjóðið kartöflurnar í 10 mínútur, þerrið þær og veltið þeim því næst upp úr kryddleginum. Látið þær í ofnskúffu eða eldfast fat og látið brúnast nokkuð ofni við 190 gráður. Steikið eða grillið bringurnar og látið að lokum inn í ofn með sneið af uppáhaldsostinum yfir og stráið saxaðri steinselju yfir að lokum.
Aspars
Aspars er til allt árið en er bestur á vorin. Brjótið neðsta hlutann af honum eða skerið og skolið. Hitið olíu á pönnu og steikið asparsinn í nokkrar mínútur. Stráið salti og pipar, sítrónuberki og rifnum parmesanostinum yfir og látið steikjast áfram í 2 mínútur.
