Árið 1978
Ýmisir erlendir fjölmiðlar hafa fjallað um sjötugsafmæli bandarísku söngkonunnar Debbie Harry síðustu dagana, en hún átti afmæli 1.júlí. Debbie sem fæddist í Miami á Florida, ólst upp í New Jersey. Hún hóf söngferilinn snemma í New York, en það var ekki fyrr en hún og Chris Stein stofnuðu rokk- og pönkhljómsveitina Blondie, sem ferill hennar fór fyrir alvöru á flug. Hljómsveitin sló í gegn með plötunni Paralell Lines árið 1978, en þá var Debbie 33ja ára.
Voru félagar alla tíð
Debbie og Chris voru sambýlisfólk um árabil og félagar í tónlistinni alla tíð. Hún átti einnig um tíma sóló feril sem söngkona og vann með ýmsum tónlistarmönnum og hljómsveitum, en árið 1997 kom hljómsveitin Blondie saman á nýjan leik eftir 15 ára hlé. Debbie er núna í hljómsveitarferðalagi með Blondie og lætur ekki deigan síga þó aldurinn færist yfir.
Donald Sutherland
Að verða áttræður og enn að leika
Það gerir heldur ekki leikarinn Donald Sutherland sem fagnar áttræðisafmæli sínu í þessum mánuði. Hann hefur til dæmis farið með hlutverk Snow forseta í Hungurleikunum. Hungurleikamyndirnar eru orðnar þrjár og sú fjórða er í bígerð. Donald Sutherland er kanadiskur verkfræðingur sem sneri sér að leiklist eftir útskrift og settist á skólabekk í London.
Skírði í höfuðið á leikstjórum
Hann varð fljótlega vinsæll leikari og uppúr 1970 lék hann á móti Jane Fonda í kvikmyndinni Klute. Þau fóru að vera saman og léku saman í nokkrum myndum áður en sambandinu lauk. Sutherland er þríkvæntur og á fimm börn. Núverandi kona hans er frönsk kanadisk og heitir Francine Racette. Hann skírði syni sína fjóra í höfuðið á kvikmyndaleikstjórum. Einn sona hans Kiefer fetaði í fótspor föður síns og gerðist kvikmyndaleikari.
