Lambaspjót fyrir 4-6:
Óhætt er að segja að hægt sé að slá í gegn með þessu dýrega grillspjóti og kalda sósan sem uppskriftin er að passar sérlega vel með.
700 g lambalundir
1 tsk. cayenne pipar
30 g möndlur
2 msk. fljótandi hunang
4 msk. appelsínusafi
3 msk. ólífuolía
1 1/2 msk. rifin engiferrót
2 hvítlauksrif, smátt söxuð eða pressuð
2 skalotlaukar
2 msk. ferskt kóríander
salt og svartur pipar
1 rauð paprika, skorin í hæfilega bita
150 g sveskjur
Skerið lambalundirnar í hæfilega bita og látið í skál. Blandið öllu öðru hráefni nema papriku og sveskjum saman í skál og maukið með töfrasprota eða matvinnsluvél. Hellið maukinu yfir kjötið og blandið vel. Breiðið plastfilmu yfir skálina og látið kjötið standa þannig og marínerast í kryddblöndunni í a.m.k. 30 mínútur. Setjið paprikubitana saman við í skálina með kjötinu og látið kryddblönduna þekja þá. Þræðið upp á grillpinna kjöt, papriku og sveskju til skiptis. Grillið spjótin í 10 mínútur eða eftir smekk og þykkt kjötbitanna. Berið fram með bökuðum kartöflubátum eins og finnast hér á síðu Lifðu núna, jógúrtsósunni sem hér er uppskrift að og góðu salati.
Jógúrtsósa:
2 dósir hrein jógúrt
2 msk. sítrónusafi
1 hvítlauksrif, pressað
1/2 tsk. cayenne pipar
2 msk. kóríanderlauf
1/2 agúrka, skorin í bita
salt og pipar að smekk
Setjið jógúrt í skál ásamt sítrónusafa, hvítlauk, cayenne pipar og kóríander og blandið saman. Bætið agúrkubitum út í og kryddið með salti og pipar. Látið sósuna bíða í ísskáp í a.m.k. klukkustund áður en hún er borin frem með grillspjótunum.
