Nú er fyrsta rabarbarauppskeran komin í ljós og ekki úr vegi að nýta þetta dýrindishráefni í margskonar rétti. Hér er hugmynd að því hvernig það nýtist í góðan eftirrétt og hann er líka einfaldur í undirbúningi. Verði ykkur að góðu!
500 g rabarbari
1 vanillustöng
150 g hrásykur
4 msk fljótandi hunang
1 dós sýrður rjómi
100 g ristaðar möndluflögur
Skerið rabarbarann í bita og látið í pott. Kljúfið vanillustöngina eftir endilöngu, skafið kornin inna úr og bætið þeim út í pottinn ásamt sykri og hunangi. Sjóðið saman þar til allt er orðið að mauki og hrærið af og til á meðan suðu stendur. Kælið og látið til skiptis sýrðan rjóma og rabarbaramauk í eftirréttaglös, falleg ef þau eru glær. Hafið sýrðan rjóma efst og stráið möndluflögunum þar yfir.
