Saltfiskur er afar góður matur. Þessi uppskrift er einföld en mjög bragðgóð og það tekur ekki langan tíma að setja hana saman. Uppskriftin er fyrir tvo til þrjá.
2 matskeiðar repjuolía (eða önnur bragðlítil olía)
1 stór gulur laukur (sneiddur)
3 timian stilkar (notið einungis laufin)
1 stórt hvítlauksrif marið eða smátt skorið
1 dós tómatar (skornir smátt)
chile pipar eftir smekk
250 grömm saltfiskur (þunnt skorinn eða rifinn)
Hitið olíuna á pönnu (varist að hún verði of heit) sneiðið laukinn og steikið hann þangað til hann er orðinn glær. Bætið timian laufunum út í og steikið áfram í eina mínútu. Bætið hvítlauknum, tómötunum og chilipiparnum á pönnuna, saltið eftir smekk og látið malla í eina til tvær mínútur. Lækkið hitann og bætið þunnt skornum saltfiskinum á pönnuna og steikið áfram í fimm til sjö mínútur. Klippið graslauk yfir réttinn áður en hann er borinn fram það er þó ekki nauðsynlegt. Berið fram með hvítlauksbrauði, soðnum hrísgrjónum eða grænu salati.
