Íslendingar eru nýungagjarnir og yfirleitt fljótir að tileinka sér nýja tækni. Reglulega komast hér í tísku tæki eða aðferðir við eldamennsku, sumar gamlar og margreyndar úti í heimi en aðrar afrakstur nýrrar tækni. Air Fryer var jólagjöfin árið 2022 og óhætt að fullyrða að loftsteikingarpottar séu til á öðru hverju heimili. Fólk er misduglegt að prófa sig áfram við notkun þeirra en ný matreiðslubók, Létt og loftsteikt í Air Fryer ætti að vera þeim mikil hjálp sem enn eru óöryggir.
Bókin er eftir Nathan Anthony er ungur norður-írskur matgæðingur og kokkur og þekktur á samfélagsmiðlum víða um heim. Hann deilir efninu sínu undir yfirskriftinni, Bored of Lunch og leggur sig fram um að deila uppskriftum sem eru auðveldar, fljótlegar, gómsætar og hollar. Air Fryer-inn er einmitt gott tæki til að draga úr fitu í mat og Nathan gefur upp kaloríufjölda í hverjum rétti ásamt því að gefa skemmtilegar upplýsingar um hvern rétt fyrir sig. Hvar og hvenær best sé að bera hann fram og annar kostur er að margar uppskriftirnar í bókinni, Létt og loftsteikt í Air Fryer eru stundum miðaðar við tvo en eftirfarandi kjúklingauppskrift er fyrir fjóra.
HUNANGS-OSTAKUBBAR MEÐ RÓSMARÍNI
2 egg, slegin
150 g hveiti
200 g pankorasp eða
þurrkuð brauðmylsna,
fínmöluð í matvinnsluvél 200 g salatostur (feta),
skorinn í teninga
6 msk hunang rósmarínnálar, saxaðar
smátt, til að strá yfir
ljós sesamfræ til að strá yfir
1 Settu egg, hveiti og rasp hvert í sína skálina. Veltu ostateningunum fyrst upp úr hveiti, svo eggi og láttu umframegg drjúpa af, og veltu þeim að lokum upp úr raspinu.
2 Loftsteiktu við 190°C í 9 mínútur.
3 Veltu teningunum upp úr hunangi. Það má velgja hunangið
fyrst ef þér þykir það betra.
4 Stráðu söxuðu rósmaríni og sesamfræjum yfir. Stingdu tannstöngli eða grillpinna í hvern ostakubb og berðu fram.
