Unaðslegt heitt rúllubrauð

Þennan rétt má útbúa með fyrirvara og geyma í ísskáp og jafnvel frysta.

1 rúllutertubrauð

1 laukur, smátt saxaður

300 g brokkólí, smátt saxað

olía til steikingar

1 lítil dós grænn aspars, látið vökvann renna af

200 g rjómaostur

fetaostur, lítil krukka án olíunnar

pipar

ferskt kóríander, 1 msk. og meira til að skreyta brauðið ef vill

1 bréf hráskinka, skorin í strimla

1 egg til að pensla með

100 g mozzarellaostur

furuhnetur, ristaðar á pönnu, 50 – 100 g

 

Látið brauðið útflatt á bökunarpappír. Steikið lauk og brokkólí í olíu þar til það verður mjúkt. Bætið aspars, ostum og kryddi út á pönnuna og hrærið í þar til osturinn hefur bráðnað. Kælið fyllinguna svolítið og smyrjið henni síðan á brauðið. Dreifið hráskinkustrimlunum yfir og rúllið brauðinu saman. Penslið brauðið með hrærðu egginu og stráið mozzarellaostinum yfir. Bakið í miðjum ofni við 180°C þar til osturinn er orðinn gullinn. Dreifið ristuðum furuhnetunum og rifnu kóríander yfir ef vill og berið fram.

 

Ritstjórn janúar 10, 2020 09:54