Þessi girnilega uppskrift fyrir 4, er fengin af uppskriftavefnum Fiskur í matinn, smella hér. Höfundur uppskriftarinnar er Oddur Smári Rafnsson. Það tekur 40-45 mínútur að búa réttinn til. Þorsflök eða þorskhnakkar gætu verið ákjósanlegt hráefni í réttinn þó það sé ekki tekið fram í uppskriftinni.
- 800 g þorskur
- 300 ml kókosrjómi
- 1 tsk karrí
- ½ teningur grænmetiskraftur
- ½ laukur, sneiddur
- ½ grænt epli
- 2 gulrætur, rifnar
- 1 rófa rifin (ekki of stór)
- 5 kartöflur, sneiddar þunnt
- 2 lúkur grænkál, saxað
- 2 hvítlauksgeirar, saxaðir
- 2 bollar rifinn ostur
- Salt og pipar
Aðferð:
Skerið fiskinn í bita og setjið í eldfast form og saltið og piprið yfir. Setjið kókosrjómann, karrí, lauk og epli saman í pott og látið malla í ca. 7 mín. Maukið síðan saman með töfrasprota eða í matvinnsluvél, smakkist til með salti og pipar. Skerið grænmetið og steikið á pönnu. Hellið grænmetinu út í sósuna og blandið saman, hellið yfir fiskinn og dreifið ostinum yfir. Eldið í ca. 18–20 mín í 180°C heitum ofni. Borið fram með hrísgrjónum og naan brauði.
