Albert Eiríksson útbjó þessar uppskriftir úr dýrindis berjum sem fengist hafa úti í náttúrunni en líka í hillum verslana fyrir þá sem ekki höfðu tök á að fara í berjamó. Fleiri uppskriftir Alberts má sjá á heimasíðu hans: https://www.alberteldar.com/
Bláberjabaka
1 bolli bláber
½ dl rifsber
1 msk. rifinn sítrónubörkur
200 g smjör
1 dl sykur
1 tsk. lyftiduft
2 dl hveiti
1 tsk. vanilludropar
2 egg
Setjið bláber, rifsber og sítrónubörk í bökuform. Bræðið smjörið í potti, bætið þurrefnum út í og loks eggjum. Blandið vel saman. Hellið deiginu yfir berin og bakið við 170°C í 25-30 mín. Setjið í stórt bökuform eða mörg minni sem er hæfilegt fyrir einn. Berið fram með rjóma eða ís ef vill.
Bláberjagautur
2 msk. bláber
2 msk. haframjöl
1 tsk. chiafræ
kasjúhnetur, saxaðar
smá salt
möndlumjólk, kókosmjólk eða annar vökvi
Látið allt í glas og hellið vökvanum svo rétt fljóti yfir. Látið standa í ísskáp yfir nótt og þá er morgunverðurinn tilbúinn þegar þið vaknið og þið farið fersk og fín inn í daginn.
