Kynning

Ertu alltaf að vakna á nóttunni til að pissa?

Bæði konur og karlar geta haft ofvirka þvagblöðru, en hún veldur því að fólk þarf stöðugt að vera á klósettinu að pissa, bæði nætur og daga. Það gefur auga leið hversu óþægilegt það getur verið. Að vakna oft upp um nætur og þurfa að haga sér þannig að degi til að maður fari aldrei of langt frá klósetti.

Hér er SagaPro dós sem hægt er að fylla á aftur og aftur

Það er til efni sem getur leyst þennan vanda, SagaPro sem var upprunalega þróað í Háskóla Íslands af Dr. Sigmundi Guðbjarnarsyni fyrrverandi rektor. Það kom fyrst á markaði árið 2005. “SagaPro slakar á vöðvum blöðrunnar og dregur þannig út tíðum þvaglátum” segir Dr. Lilja Kjalarsdóttir framkvæmdastjóri SagaNatura sem nú framleiðir efnið og selur í KeyNatura vörulínu fyrirtækisins. Gerð var klínisk rannsókn á virkni efnisins sem sýndi að þvaglátum á næturnar fækkaði hjá þeim sem voru með ofvirka blöðru.

“Það er frábært að geta boðið uppá þessa vöru því það er svo margt fólk sem glímir við það vandamál að þurfa að vakna oft á nóttunni til að pissa. Það er ekki mikið rætt um þetta vandamál, en talið er að tíu prósent af mannkyni þjáist af tíðum þvaglátum í einhverju formi og þetta hefur áhrif á alla aldurshópa þó að tíðnin aukist með aldrinum. Þetta getur haft miki áhrif á svefn og lífsgæði og til dæmis hindrað fólk í útivist og öðru þar sem ekki er greiður aðgangur að klósetti”, segir Lilja.

SagaPro er búið til úr íslenskri ætihvönn sem er handtínd úti í Hrísey. “Nú er verið að gera aðra klíníska rannsókn  sem nær til 200 karla og kvenna. Hún hefur tafist vegna Covid faraldursins, en vonast er eftir niðurstöðu í vor”, segir Lilja og bætir við að fundist hafi nokkur efni sem slaki á blöðruvöðvunum, en við það verði meira rúm fyrir þvag í blöðrunni. “Fólk sem er með ofvirka blöðru er ekki með neitt minni blöðru en aðrir, hún er bara viðkvæmari og fólki líður eins og því sé mál, þó blaðran sé ekki full. SagaPro virkar ekki á þvagmagnið, en fækkar klósett ferðum”, segir hún.

SagaPro fæst í öllum apótekum og mörgum matvöruverslunum. Nú er hins vegar hægt að gerast áskrifandi að SagaPro og fá áfyllingu inn um lúguna í hverjum mánuði. Það er ódýrara, vistvænna og þægilegra.   Áskrifendur fá ekki bara fría heimsendingu, heldur líka 15% afslátt.  Þeir fá í póstinum áfyllingarpoka til að fylla á dósirnar sínar. “Þá þarf fólk ekki að hugsa um þetta eða muna eftir þessu og þetta er vistvænna en að kaupa alltaf nýjar dósir”, segir Lilja að lokum.

 

 

Ritstjórn mars 29, 2021 14:34