2 meðalstórir kúrbítar
½ bolli saxaður laukur
1 hvítlauksrif, saxað
½ msk. smjör
1 stór tómatur, saxaður
4 msk. parmesanostur, rifinn
salt og pipar
Skerið kúrbítinn eftir endilöngu, skafið kjötið úr miðjunni og saxið það smátt. Hitið smjörið á pönnu og snöggsteikið lauk, hvítlauk, tómat og kjötið úr kúrbítnum. Látið malla í smá stund þannig að mesti vökvinn gufi upp. Leggið kúrbítshelmingana í eldfast fat og látið fyllinguna ofan í þá. Stráið parmesan ostinum yfir helmingana. Setjið álpappír yfir fatið og bakið í 30 mínútur við 180°C.
Þessi réttur gengur einn og sér sem góður grænmetisréttur eða sem meðlæti með grilluðu kjöti og þá má skera þá til helminga þannig að úr verði meðlæti fyrir 8.
