Þessi unaðslega súpa stendur alveg undir því að teljast heil máltíð. Og svo tilheyrir að smakka sig áfram en stuðst var nákvæmlega við eftirfarandi uppskrift við gerð súpunnar á myndinni:
3-400 g lax
2 paprikur, grænar eða rauðar
2 laukar
4 hvítlauksrif, marin
2 dósir niðursoðnir tómatar
½ l vatn
1 tsk. fiskikraftur eða 1 teningur
1/2 msk. rifin piparrót
salt og pipar eftir smekk
1-2 dl matreiðslurjómi
1-2 dl hvítvín (súpan er líka bragðgóð án vínsins)
Skerið paprikurnar og laukinn smátt og mýkið í olíu ásamt hvítlauknum í potti. Maukið tómatana í matvinnsluvél og setjið þá út í pottinn ásamt vatninu, fiskikraftinum og piparrótinni. Kryddið með salti og pipar eftir smekk. Látið suðuna kom upp og minnkið síðan hitann. Bætið rjóma og hvítvíni saman við og látið malla í 40 mínútur. Bætið þá fiskinum út í heita súpuna. Látið standa í nokkrar mínútur og berið fram með góðu brauði.
