Ágústa Gísladóttir einn eigenda Lín Design er mikill matgæðingur. Hún veit fátt skemmtilegra en að útbúa mat fyrir vini og vandamenn. Þegar mikið stendur til grípur hún oft á það ráð að útbúa fallega ávaxtabakka. Hún segir: „Þetta er einfaldur og fallegur ávaxtabakki með Nutella-ídýfu sem sló heldur betur í gegn hjá okkur. Það skemmtilega við svona bakka er að það er hægt að nota nánast hvaða ávexti og ber sem eru til hverju sinni. Á minn bakka setti ég: Jarðarber, hindber, brómber, kiwi, banana, perur, epli, mangó og tvær tegundir af melónu. Ávextirnir eru einfaldlega skornir niður og raðað eftir litum í kringum ídýfuna. Það er auðvitað hægt að breyta þessu eftir árstíð, framboði og smekk.“
Nutella-ídýfa
150 g rjómaostur
110–120 g Nutella
75 ml rjómi
½–1 tsk. vanilludropar
Smá rifið súkkulaði til skrauts
Hrærið rjómaostinn mjúkan og blandið Nutella saman við. Bætið vanilludropunum út í. Léttþeytið rjómann og blandið honum varlega saman við þar til ídýfan verður létt og kremkennd.
Setjið ídýfuna í litla skál í miðju bakkans og rífið smá súkkulaði yfir. Raðið síðan ávöxtunum fallega í kring.
Smá ráð: Skerið banana, epli og perur síðast svo þau haldist sem ferskust og fallegust þegar bakkinn er borinn fram.
Ég læt myndir fylgja með af hráefnunum, ídýfunni og tilbúna bakkanum.
