Dásamleg súpa í dagsins önn, eða bara í jólamatinn.

Nú þegar flestir eru önnum kafnir við jólaundirbúninginn og mikil matargerð stendur fyrir dyrum á mörgum heimilum, þar sem kjöt er iðulega í öndvegi, er ekki úr vegi að létta sér lífið og kaupa holla og góða fiskisúpu sem fæst tilbúin í Fylgifiskum, Nýbýlavegi 4. Hægur vandi er að fara inn á fylgifiskar.is  og fá þar allar upplýsingar um þessa dýrlegu súpu. Alveg óhætt er að bjóða þessa súpu þegar gesti ber að garði en grunninn má eiga tilbúinn í frysti og setja ferskan fisk út í áður en súpan er borin á borð. Grunnurinn er svo bragðgóður að alveg er óhætt að mæla með því að hafa þessa súpu sem forrétt í jólaboði og kaupa ferskan fisk skömmu áður en nota á grunninn.